fbpx
Fimmtudagur 18.ágúst 2022
Eyjan

Ólöf segir börnin fært mestu fórnirnar í Covid faraldrinum þó sjúkdómurinn bíti minnst á þeim

Heimir Hannesson
Fimmtudaginn 20. janúar 2022 12:30

Ekki missa af Helstu tíðindum dagsins í pósthólfið þitt

Lesa nánar

Ólöf Skaftadóttir, blaðamaður Innherja, fagnar ákvörðun stjórnvalda um að virða tillögur sóttvarnalæknis um að seinka starfi leik- og grunnskóla vegna Covid-19 faraldursins að vettugi. Þetta kemur fram í grein hennar sem birtist á Innherja í gær. Ólöf segir að ákvörðun stjórnvalda um að skauta fram hjá þessari tilteknu tillögu Þórólfs Guðnasonar sóttvarnalæknis hafi markað tímamót í faraldrinum.

Grein Ólafar má sjá hér í heild sinni.

Hingað til hafa stjórnvöld farið að ráðleggingum sóttvarnarlæknis, en rauði þráðurinn allt frá upphafi faraldursins hefur verið sá að hagsmunum yngri kynslóða skuli fórnað fyrir þeirra sem eldri eru. Börn, unglingar og ungt fólk hafa þurft að þola fordæmalausa skerðingu á skólastarfi, félagslífi, íþróttaiðkun og svo mætti áfram telja.

Framhalds- og háskólanemar sem hófu nám haustið 2019 hafa varla enn upplifað hefðbundið skólastarf eða félagslíf á þeim tíma í lífinu sem margir telja skemmtilegustu og mest mótandi árin. Það er ekki lítil fórn að færa.

Þá segir Ólöf kostnað vegna gríðarlegs inngrips í atvinnulífið ótalinn. „Gott og vel er að tala um lokunarstyrki, samtakamátt og þess háttar en vanræktir innviðir, tekjufall til skamms tíma og skuldsetning til lengri tíma verður ekki lagfærð með innihaldslausu hjali um samstöðu og skemmtanir innandyra,“ skrifar Ólöf áfram. „Reikningurinn kemur um síðir og hann mun að langstærstum hluta lenda hjá þeim sem yngri eru.“

Unga fólkið á sem sagt ekki bara að verða af þjónustu og lífsgæðum sem hingað til hafa verið talin sjálfsögð heldur eiga þau líka að greiða fyrir herlegheitin. Allt þetta vegna sjúkdóms sem veldur sáralitlum einkennum hjá ungu fólki og engum veikindum sem heitið geta – nema í algerum undantekningartilvikum.

Þá gagnrýnir Ólöf stjórnvöld fyrir að hafa gripið til nýjustu takmarkana. Segir hún þær hafa verið til málamynda og að lokum reynst tilgangslausar og gríðarlega kostnaðarsamar. „Dagleg smit eru þrátt fyrir það ríflega þúsund, og 100 milljónum eytt daglega í að prófa einkennalausa eða lítið veika í stórum stíl. Það eru þrír milljarðar á mánuði, þrjátíu og sex á ársgrundvelli. Hvers konar grettistaki mætti lyfta til að bæta aðstöðu, verklag og stjórn á okkar illa reknu spítölum fyrir þá fjármuni? Búa til innviði sem nýtast ungu fólki til lengri tíma.“

Hver tekur eiginlega þessar ákvarðanir?

Þar komum við kannski að kjarna málsins.

Pólitíkin hefur brugðist í málinu. Leiðtogaskorturinn er alger. Engum af hinu pólitíska sviði hefur auðnast að tala kjark í fólk. Þeir sem hafa þó reynt hafa þurft að sitja undir gaslýsingum frá hagsmunatalsmönnum með gjallarhornssýki fyrir vikið.

Sökin er líka fjölmiðlanna sem hafa lapið upp smittölur og aðrar samhengislausar upplýsingar gagnrýnislaust. Er það nema von að samfélagið sé skelkað þegar fréttasíður eru veggfóðraðar af eilífum frásögnum um veikindi og andlát. Hvar eru þessar fréttir þegar inflúensufaraldrar ríða yfir?

Ólöf segir þá brýnni viðfangsefni blasa við samfélagi manna hér á landi en Covid faraldurinn. „Krakkar eru læstir inni í stórum stíl í sérsniðnum tölvuleikjastólum með snakkpokann við höndina. Geðheilsa á undir högg að sækja. En stjórnvöld leggja alla áherslu á að vernda þá sem yngri eru fyrir því sem í tilviki þeirra er meinlaus pest,“ bætir hún við og skrifar svo að lokum:

Nú er mál að linni og kominn tími til að ungt fólk hætti að setja hagsmuni sína möglunarlaust til hliðar. Vonandi er ákvörðun ríkisstjórnarinnar varðandi skólahald vísir af því sem koma skal.

Setjum unga fólkið í fyrsta sæti. Hvetjum það til að hittast, hreyfa sig, brasa og lenda í hnjaski. Það fylgir því áhætta að fara úr húsi að morgni og COVID er þar aftarlega á lista yfir áhyggjuefni.

Hættum þessu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Handtekinn í Kringlunni
Eyjan
Fyrir 5 dögum

Kolbrún segir það með ólíkindum að fylgjast með „umkomulausum stjórnendum“ hjá borginni – „Það er eins og við séum ekki til“

Kolbrún segir það með ólíkindum að fylgjast með „umkomulausum stjórnendum“ hjá borginni – „Það er eins og við séum ekki til“
Eyjan
Fyrir 6 dögum

Fordæma verkalýðsleiðtoga sem fagna brotthvarfi Drífu með ósmekklegum athugasemdum – Hafa áhyggjur af því ofbeldismenning nái yfir í hreyfingunni

Fordæma verkalýðsleiðtoga sem fagna brotthvarfi Drífu með ósmekklegum athugasemdum – Hafa áhyggjur af því ofbeldismenning nái yfir í hreyfingunni
Eyjan
Fyrir 1 viku

Þriðjungur heimila glímir við erfiðan fjárhag – Eiga ekki afgang

Þriðjungur heimila glímir við erfiðan fjárhag – Eiga ekki afgang
Eyjan
Fyrir 1 viku

Húsleit á heimil Donald Trump – „Árás af þessu tagi á sér aðeins stað í eyðilögðum þriðja heims ríkjum“

Húsleit á heimil Donald Trump – „Árás af þessu tagi á sér aðeins stað í eyðilögðum þriðja heims ríkjum“
EyjanFastir pennar
Fyrir 1 viku

Björn Jón skrifar – Agaleysi er þjóðarböl

Björn Jón skrifar – Agaleysi er þjóðarböl
Eyjan
Fyrir 1 viku

Grímur búinn að fá nóg af flugvallarþruglinu – „Þetta er alveg ótrúlega aumur málflutningur“

Grímur búinn að fá nóg af flugvallarþruglinu – „Þetta er alveg ótrúlega aumur málflutningur“