fbpx
Föstudagur 30.júlí 2021
Eyjan

Hægt gengur að opna hótelin vegna skorts á starfsfólki

Kristján Kristjánsson
Miðvikudaginn 14. júlí 2021 08:00

Ekki missa af Helstu tíðindum dagsins í pósthólfið þitt

Lesa nánar

Mannekla er helsta ástæðan fyrir að hægt gengur að opna hótelin í Reykjavík á nýjan leik. Þetta segir Kristófer Oliversson, formaður FHG – Fyrirtækja í hótel- og gistiþjónustu og framkvæmdastjóri Center Hotels.

Fréttablaðið skýrir frá þessu í dag. Haft er eftir honum að bókanir erlendra ferðamanna séu hins vegar framar vonum. „Við erum í talsverðum vandræðum vegna manneklu en við erum búin að opna fimm hótel og erum að opna það sjötta í vikunni, á fimmtudaginn. Við erum með alla mögulega og ómögulega anga úti að reyna að ná okkur í starfsfólk,“ er haft eftir honum.

Center Hotels reka átta hótel í Reykjavík en þeim var öllum nema einu lokað í faraldrinum. Kristófer sagði að þernur, barþjóna, gestamóttökustarfsfólk og starfsfólk í eldhús vanti til starfa.

Hann sagði að rætt hafi verið við fyrrverandi starfsmenn um leið og fór að rofa til og nú sé allt reynt til að fá starfsfólk. „Einnig ráðum við mikið í gegnum Vinnumálastofnun og svo hefur hver sínar aðferðir til þess að reyna að finna fólk, hér og erlendis. Við þurfum samt líka að vera sanngjörn í því að þetta er svo mikið af fólki sem við erum að ráða á mjög skömmum tíma til að manna heila atvinnugrein upp á nýtt. Þetta er ekki bara það að fá fólk til að vilja vinna. Það þarf mikla þjálfun til að vinna á nútíma hóteli sem tekur sinn tíma,“ er haft eftir honum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Starfsfólk í einkageiranum hrifnast af Sjálfstæðisflokknum

Starfsfólk í einkageiranum hrifnast af Sjálfstæðisflokknum
Eyjan
Fyrir 3 dögum

Brynjar hjólar í Gísla Martein og „góða fólkið“- „Greinileg merki um mikla andúð og óþol gagnvart andstæðum skoðunum“

Brynjar hjólar í Gísla Martein og „góða fólkið“- „Greinileg merki um mikla andúð og óþol gagnvart andstæðum skoðunum“
Eyjan
Fyrir 4 dögum

Sigmundur lýsir vanda fjórflokksins – Segir þá fasta í leit að „aðlaðandi hugmyndum, nýrri ímynd, galsa og glimmeri, töff fólki“

Sigmundur lýsir vanda fjórflokksins – Segir þá fasta í leit að „aðlaðandi hugmyndum, nýrri ímynd, galsa og glimmeri, töff fólki“
Eyjan
Fyrir 5 dögum

„Skynsamlega málamiðlun“ segir Björn Ingi hjá Viljanum – „Þrátt fyrir allt frekar mildar takmarkanir“

„Skynsamlega málamiðlun“ segir Björn Ingi hjá Viljanum – „Þrátt fyrir allt frekar mildar takmarkanir“