fbpx
Fimmtudagur 23.september 2021
Eyjan

Auglýsing um kannabisneyslu vekur úlfúð: „Í hvaða andveruleika erum við komin?“

Jón Þór Stefánsson
Laugardaginn 19. júní 2021 15:10

Samsett mynd.

Ekki missa af Helstu tíðindum dagsins í pósthólfið þitt

Lesa nánar

Þann sautjánda júní síðastliðinn, þjóðhátíðardag Íslands, birtist auglýsing í Morgunblaðinu sem tók heila opnu. Auglýsingin hafði það að markmiði að vara við kannabisneyslu, en í henni stendur:

„Kannabisneysla … byrjar oft á saklausu fikti. Endar oft í uppgjöf, geðrænum vandamálum og jafnvel ótímabærum dauða.“

„Við viljum koma í veg fyrir það. Kannabis er líka hættulegt fíkniefni.“

Íslenska lögregluforlagið og Félag íslenskra fíkniefnalögreglumanna bera ábyrgð á auglýsingunni, en mikill fjöldi fyrirtækja, embætta, stofnanna og sveitarfélaga koma að birtingu hennar. Þar má nefna: Vínbúðina, KFC, Melabúðina, Mjólkursamsöluna, Bakarameistarann, Happdrætti Háskóla Íslands, Mjölni, N1, Samherja, og fleiri.

Auglýsingin sem birtist í Morgunblaðinu

Umrædd auglýsing hefur vakið mikla úlfúð á samfélagsmiðlum, en fólk hefur bæði andmælt henni á Facebook og Twitter. Sú umræða sem hefur myndast vegna auglýsingarinnar virðist varpa ljósi á hversu skiptar skoðanir Íslendinga eru á kannabisneyslu.

„Í hvaða andveruleika erum við komin þegar ríkisrekna apparatið “Vínbúðin” eru fyrstir á lista í heilsíðuauglýsingu um skaðsemi eiturlyfja?

Sama Vínbúð og selur fársjúkum fíklum eiturlyfjaskammtinn sinn sex daga vikunnar frá kl 10 til 20. Allt árið um kring. Í öðru hvoru krummaskuði.“ spyr Jón Bjarni Steinsson, veitingamaður á Facebook-síðu sinni.

Í Facebook-hóp fyrir Vesturbæinga bjó auglýsingin til miklar umræður, en þar velti fólk því fyrir sér hvort það gæti haldið áfram að stunda viðskipti við Melabúðina, eftir að verslunin setti nafn sitt á auglýsinguna. Þar voru alls ekki allir á sömu skoðun, en færslan sem kom umræðunum af stað var eftirfarandi:

„Melabúð?? Ahhh núna get ég ekki fyrir mitt litla líf verslað við melabúðina aftur.

Ég get ekki stutt við verslun sem er með jafn mikla fasistaskoðun, líklegast dregna upp úr eigin fáfræði.“

Líkt og áður segir myndaðist umræða um málið á Twitter. Þar var það blaðamaðurinn Jóhann Óli Eiðsson sem vakti athygli á opnunni. Í kjölfarið fjallaði fyrrverandi borgarfulltrúinn Halldór Auðar Svansson um auglýsinguna og kastað því fram að mögulega væri Félag íslenskra fíkniefnalögreglumanna að græða á henni.

„Á hverjum 17. júní þá safnar Félag íslenskra fíkniefnalögreglumanna áheitum frá fyrirtækjum og stofnunum til að birta auglýsingu í Mogganum um hvað dóp sé vont. Það sem safnast er pottþétt langt umfram kostnað og restin rennur þá væntanlega til félagsins.“

Uppfært:

Jón Gnarr hefur nú einnig tjáð sig um málið á Twitter, en hann gerir stólpagrín að auglýsingunni. Hann virðist efast um forvarnargildi auglýsingar sem birtist á síðum Morgunblaðsins.

„Þetta er hárrétta leiðin. held að margur unglingurinn hafi rekið upp stór augu þegar hann var að fletta í gegnum moggann sinn og sá þessi skýru skilaboð frá uppáhalds fyrirtækjunum sínum og fyrirmyndum. grunar að smá grasi hafi verið hent í klóið. er hass grúví? nei, held ekki.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Í gær

„Sjálfstæðisflokkurinn er kominn mikið, mikið lengra til vinstri en fyrir tíu eða tuttugu árum“

„Sjálfstæðisflokkurinn er kominn mikið, mikið lengra til vinstri en fyrir tíu eða tuttugu árum“
Eyjan
Fyrir 2 dögum

Frambjóðendur deila myndum af gæludýrunum – „Ég held að allir kettir séu í Miðfokknum“

Frambjóðendur deila myndum af gæludýrunum – „Ég held að allir kettir séu í Miðfokknum“
Eyjan
Fyrir 2 dögum

Mogginn varar við vinstri stjórn – Segir það muni hafa alvarlegar afleiðingar á hag Íslendinga

Mogginn varar við vinstri stjórn – Segir það muni hafa alvarlegar afleiðingar á hag Íslendinga
Eyjan
Fyrir 2 dögum

Góður gangur í hugverkaiðnaði hér á landi – Útflutningstekjur hafa tvöfaldast

Góður gangur í hugverkaiðnaði hér á landi – Útflutningstekjur hafa tvöfaldast
Eyjan
Fyrir 3 dögum

Geggjað vöfflupartí hjá VG eftir sögulega gönguferð

Geggjað vöfflupartí hjá VG eftir sögulega gönguferð
Eyjan
Fyrir 3 dögum

Er uppáhalds „leiðindaskarfur“ Sjálfstæðismanna á útleið? Sjáðu nýstárlega kosningaauglýsingu Brynjars

Er uppáhalds „leiðindaskarfur“ Sjálfstæðismanna á útleið? Sjáðu nýstárlega kosningaauglýsingu Brynjars
Eyjan
Fyrir 5 dögum

Tómas Ellert hellir sér yfir Guðna Ágústsson – „Hér er um að ræða vel skipulagða og stigmagnandi rógsherferð í minn garð“

Tómas Ellert hellir sér yfir Guðna Ágústsson – „Hér er um að ræða vel skipulagða og stigmagnandi rógsherferð í minn garð“
Eyjan
Fyrir 5 dögum

Ragnar segir íslenskt fyrirtæki hafa keypt hlutabréf á 20 þúsund krónur og selt á tæplega hálfan milljarð

Ragnar segir íslenskt fyrirtæki hafa keypt hlutabréf á 20 þúsund krónur og selt á tæplega hálfan milljarð