fbpx
Miðvikudagur 14.apríl 2021
Eyjan

„Lögleiðum ölvunarakstur“ segir Karen – „Þessi áróður um ölvunarakstur minnir mig á umræðuna um hryðjuverk“

Máni Snær Þorláksson
Fimmtudaginn 8. apríl 2021 12:00

Mynd/Samsett

Ekki missa af Helstu tíðindum dagsins í pósthólfið þitt

Lesa nánar

Karen Róbertsdóttir skrifar afar áhugaverðan pistil á Vísi í dag en hann fjallar um mögulegt næsta skref í baráttunni fyrir frelsi og réttindum. Pistillinn virðist vera skrifaður í kaldhæðni af Kareni sem titlar sjálfa sig sem fávita í greininni. 

Viggó Örn Jónsson birti nýverið pistil á Vísi þar sem hann vildi meina að grímur væru ekki sóttvarnarráðstöfun og fleira. Karen talar um pistil Viggós í upphafinu á pistlinum sínum og vitnar reglulega í Viggó í gegnum pistilinn.

„Þann 6. apríl s.l. deildi Viggó Örn Jónsson með okkur í grein sinni á vefsíðunni Vísi djúpri og yfirgripsmikilli læknisfræðilegu þekkingu frá Háskóla Facebook um hvort andlitsgrímur séu gagnlegar í heimsfaraldri; leiddi hann þar í ljós að það sé ekki lengur áhætta á að greinast með sjúkdóm með alvarleg og langvarandi einkenni hér á landi því að við erum búin að ná að fullbólusetja 17% af aldurshópnum 70-79 ára; og hvatti hann okkur til að muna að frelsi okkar til að fara í sund sé þess virði að setja veikan bróðir einhvers út á landi í smávegis áhættu.“

Karen vill þakka Viggó innilega fyrir pistilinn. „Því mikilvægt er að muna að það eigi *aldrei* að takmarka réttindi fólks – ekki síst réttindi okkar til að ferðast,“ segir hún og kemur með hugmynd að næsta skrefi. „Er þá ekki nú kominn tíminn til að taka eitt augljóst skref til viðbótar og endurheimta réttindi okkar til að keyra undir áhrifum?“

„Sumir styðja frelsi!“

Karen bendir á að fólk geti sagt við hana að ölvunarakstur drepi saklaust fólk. „En fólk deyr út af svo mörgum ástæðum,“ segir hún við því. „Fyrst var okkur sagt að það mætti keyra hvenær sem er og svo er skyndilega sagt að það væri lífsnauðsynlegt að vera edrú við stýrið. Ef maður vill ekki taka áhættu á að ég keyri á hann þá á hann bara að halda sig heimavið og láta þá sem ekki eru hræddir lifa þeirra eigin lífi í friði!“

Þá bendir Karen á annað sem fólk gæti sagt við hana. „Síðast þegar þú keyrðir undir áhrifum keyrðirðu beint inn á Landakot og drapst 25 manns, og slasaðir mun fleiri alvarlega! Þú hefur líka keyrt beint inn í hjúkrunarheimili. Þú gerir það oft! Við getum ekki verndað aðra frá fullum bílstjórum, og því fleiri sem eru út að keyra, því oftar gerist það!“

Karen svarar þessu þá og segir áróðurinn um ölvunarakstur til að mynda minna á umræður um hryðjuverk. „Uss! Þessi áróður um ölvunarakstur minnir mig á umræðuna um hryðjuverk, sem leiddi til innrásarinnar í Írak. Ef þér finnst óréttlátt að senda fólk til Guantanamo Bay þá ætti þér líka að finnast það óréttlátt að banna stórar veislur í heimsfaraldri eða að hindra mig frá því að keyra blindfull og ælandi heim af barnum. Sumir styðja frelsi!“

„Tæki til að láta fólk hlýða“

Karen segist ímynda sér paradís þar sem kórónuveiran má dreifa sér óhindrað áður en hjarðónæmi er náð í haust. Þar sem veiran heldur áfram að stökkbreytast í þúsundum líkama og gerir bóluefnin gagnslaus. „Til þess að það þurfi enginn að þola það óréttlæti og harðræði að þurfa að gista eina einusta nótt í fínu hótelherbergi eftir að koma heim frá sumarferð til Spánar. Auk þess ímynda ég mér í þessari paradís mig rásandi á milli akreina, vodka-pelann í hendi, klaki á rúðinni og að kveikja í tívólíbombum með Kúbanska vindlinum mínum, hendandi þeim út um gluggann (þegar ég hitti) á beygluðu Teslunni minni; allt á þetta líka að vera löglegt, því þinn réttur til öryggis, heilsu og lífs er ekki jafn mikilvægur og minn réttur á að hafa það gaman,“ segir hún.

„Bann við ölvunarakstri er ekki almenningi til hagsbóta. Það er tæki til að láta fólk hlýða. Gera það augljóst að við eigum öll að lúta höfði fyrir ákvörðunum yfirvalda. Ákvörðun sem er fráleit í dag er orðin eðlileg og sjálfsögð ári seinna þegar við erum öll búin að hlýða henni nógu lengi. Leigubílstjóramafían á ríkisstjórnina, og stór hluti samfélagsins hefur látið þetta yfir sig ganga, gegn betri vitund, allt, allt of lengi!“

„Hleypum inn COVID-19, og burt með bannið við ölvunarakstri“

Undir lok pistilsins stígur Karen aðeins út fyrir kaldhæðnina og spyr hvert nákvæmlega markmiðið sé. Viggó talaði um frosk sem settur er í sjóðandi vatn í pistlinum sínum og Karen botnar pistilinn sinn með því að tala um slíkt hið sama.

„Stundum setti ég frosk í sjóðandi vatn (því af hverju ekki að pynta smádýr?), en þrátt fyrir það sem mér var sagt reynir hann alltaf að hoppa upp úr, því jafnvel froskar vita betur en að bregðast ekki við þegar þeir eru í bráðri hættu. En við þurfum ekki að hlusta á visku frá froski. Hleypum inn COVID-19, og burt með bannið við ölvunarakstri. Við eigum réttindi!“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Hildur vill opna eina sundlaug í Reykjavík fyrir bólusetta eldri borgara – „Tímabært að huga að opnara og frjálsara samfélagi“

Hildur vill opna eina sundlaug í Reykjavík fyrir bólusetta eldri borgara – „Tímabært að huga að opnara og frjálsara samfélagi“
Eyjan
Fyrir 4 dögum

Skýtur á dómsmálaráðherra vegna frumvarps um vernd barna gegn barnaníðsefni

Skýtur á dómsmálaráðherra vegna frumvarps um vernd barna gegn barnaníðsefni
EyjanFastir pennar
Fyrir 4 dögum
Farsóttarfangelsið
EyjanFastir pennar
Fyrir 1 viku

Að kjósa afnám lýðræðis og mannréttinda

Að kjósa afnám lýðræðis og mannréttinda
Eyjan
Fyrir 1 viku

„Að þessu leyti hefur kannski Sjálfstæðisflokkurinn útilokað sjálfan sig frá stjórnarsamstarfi við ábyrg stjórnmálaöfl“

„Að þessu leyti hefur kannski Sjálfstæðisflokkurinn útilokað sjálfan sig frá stjórnarsamstarfi við ábyrg stjórnmálaöfl“