fbpx
Mánudagur 19.apríl 2021
Eyjan

Stjórnmálafræðiprófessor – „Stuðnings­menn Guðna gætu reynst værukær­ir“

Trausti Salvar Kristjánsson
Þriðjudaginn 9. júní 2020 11:00

Ekki missa af Helstu tíðindum dagsins í pósthólfið þitt

Lesa nánar

Eiríkur Bergmann, stjórnmálafræðiprófessor við Háskóla Íslands, segir við mbl.is að kjörsókn í forsetakosningunum gæti orðið dræmari í ár en árið 2016. Hluti ástæðunnar sé að stuðningsmenn Guðna Th. Jóhannessonar forseta, ofmeti þann mikla mun sem mældist milli Guðna og Guðmundar Franklín Jónssonar í könnun Gallup á dögunum, þar sem Guðni fékk 90% stuðning en Guðmundur 10%.

Hann segir Guðmund geta fengið stuðning úr þremur áttum:

„Sá hóp­ur sem hef­ur verið í and­stöðu við þetta hefðbundna frjáls­lynda lýðræði Vest­ur­landa á und­an­förn­um árum og hef­ur viljað sjá ákveðna val­kosti við það stjórn­mála­kerfi allt sam­an,“ seg­ir hann. Hóp­ur­inn kunni að styðjast við íhalds­sam­ari og þjóðern­is­sinnaðri áhersl­ur en aðrir hóp­ar. Síðan er ákveðin þögul andstaða gegn Guðna og þess­um frjáls­lyndu meg­in­straumsgild­um, í anda sem maður heyr­ir ekki mikið en er til staðar. Það gæti verið hóp­ur sem kysi gegn Guðmundi. Þriðji þátt­ur­inn í þessu er mögu­lega sá að kjós­end­ur Guðmund­ar telji sig frem­ur eiga er­indi á kjörstað. Þeir séu jafn­vel á ein­hvern hátt staðfast­ari. Og marg­ir stuðnings­menn Guðna gætu reynst værukær­ir og talið að að hon­um steðji eng­in sér­stök ógn í þess­um kosn­ing­um,“

segir Eiríkur við mbl.is.

Kjörsókn árið 2016 var 75,7 prósent en árið 2012 var kjörsóknin 69,3 prósent.

Kosið verður þann 27. júní næstkomandi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt