fbpx
Laugardagur 08.ágúst 2020
Eyjan

Telur Samherjamálið veita sér uppreist æru –„Upphæð veiðileyfagjalds hefur lækkað um meira en helming“

Ritstjórn Eyjunnar
Miðvikudaginn 13. nóvember 2019 15:01

Ekki missa af Helstu tíðindum dagsins í pósthólfið þitt

Lesa nánar

Ágúst Ólafur Ágústsson, þingmaður Samfylkingarinnar, gagnrýndi á dögunum breytingartillögur ríkisstjórnarinnar á fjárlagafrumvarpinu, fyrir að lækka veiðileyfagjaldið um tvo milljarða til viðbótar. Sagði hann að skattgreiðendur þyrftu þar með að borga með útgerðinni.

Ágúst Ólafur var gagnrýndur harðlega fyrir þessi skrif sín, bæði af þingmönnum ríkisstjórnarinnar, sem og Pírötum, þar sem framsetning hans væri röng:

„Ástæða fyrir lækkun veiðigjalda er einfaldlega vegna þess að afkoman er minni í sjávarútvegi, líkt og við greiðum minni tekjuskatt ef við lækkum í launum. Hlutdeildin hefur ekki minnkað heldur afkoman.“

Sjá nánar: Ágúst er brjálaður:„Eiga skattgreiðendur nú að borga með stórútgerðinni?“

Sjá nánar: Ágúst Ólafur sagður hafa hlaupið á sig – „Ég þooooli ekki svona stjórnmál“ – „Röng framsetning“

Uppreist æru

Ágúst segir í dag að þær skammir sem hann hafi hlotið séu sérkennilegar í ljósi frétta af Samherjamálinu í gær:

„Einhvern veginn verða ótrúlegar skammir þingmanna og ráðherra Vinstri grænna, Framsóknar og Sjálfstæðisflokksins í minn garð fyrir að vekja athygli fyrir helgi á lækkun veiðileyfagjalda, sérkennilegar í ljósi frétta. Ég hef lengi furðað mig á þessari grímulausu hagsmunagæslu þessara flokka fyrir stórútgerðina.

Eitt það fyrsta sem þessi ríkisstjórn gerði þegar hún tók við völdum var að breyta lögunum þannig að veiðileyfagjöldin myndu lækka og á það bentum við að myndi gerast. Það er sláandi staðreynd að upphæð veiðileyfagjalds hefur lækkað um meira en helming síðan þessi ríkisstjórn tók við, þrátt fyrir mjög góðan hagnað hjá sjávarútvegsfyrirtækjum og eigendum þeirra.

Á næsta ári á almenningur að greiða með sinni eigin auðlind til stórútgerðarinnar. Annað dæmi er í síðustu viku þegar ríkisstjórnin setti það í forgang að afnema stimpilgjöld af kaupum á stórum skipum. Á meðan er almenningur látinn greiða sín stimpilgjöld, til dæmis á húsnæði, sem bitnar sérstaklega á ungu fólki. Með afnámi stimpilgjalds á stórum skipum á enn og aftur að lækka gjöld á útgerðarmönnum.“

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 2 dögum

Guðmundur Franklin opnar á þingframboð – „Tígrisdýrin breyta ekki röndunum á sér.“

Guðmundur Franklin opnar á þingframboð – „Tígrisdýrin breyta ekki röndunum á sér.“
Eyjan
Fyrir 3 dögum

Ísland reiðubúið að styðja Líbanon eftir sprenginguna í Beirút

Ísland reiðubúið að styðja Líbanon eftir sprenginguna í Beirút
Eyjan
Fyrir 5 dögum

Yngstu þingmenn 21. aldarinnar á Íslandi – Tvö jafn gömul upp á dag þegar þau urðu þingmenn

Yngstu þingmenn 21. aldarinnar á Íslandi – Tvö jafn gömul upp á dag þegar þau urðu þingmenn
Eyjan
Fyrir 5 dögum

Segir Guðna vera forseta elítunnar

Segir Guðna vera forseta elítunnar
Eyjan
Fyrir 1 viku

Segir Ísland ekki stikkfrí í nýju köldu stríði

Segir Ísland ekki stikkfrí í nýju köldu stríði
Eyjan
Fyrir 1 viku

Lítil ásókn í húsnæðislán hjá lífeyrissjóðum

Lítil ásókn í húsnæðislán hjá lífeyrissjóðum