fbpx
Laugardagur 08.ágúst 2020
Eyjan

Gunnar Smári með eldfimar ásakanir – Telur víst að Samherji kaupi umfjöllun um sig í Fréttablaðinu

Ritstjórn Eyjunnar
Þriðjudaginn 12. nóvember 2019 11:07

Ekki missa af Helstu tíðindum dagsins í pósthólfið þitt

Lesa nánar

Gunnar Smári Egilson, sósíalistaforingi og blaðamaður, segir í færslu á Facebook að geri megi ráð fyrir því að Samherji hafi keypt umfjöllun um sig í fréttahluta Fréttablaðsins í dag, án þess að getið hafi verið um þá kostun. Samkvæmt fjölmiðlalögum er óheimilt að birta kostaða umfjöllun án þess að geta þess skilmerkilega í fréttinni.

Í fréttinni, sem Eyjan greindi frá í morgun, eru tvær setningar hafðar eftir Þorsteini Má Baldvinssyni, forstjóra Samherja, vegna þess sem stefnir í að verða hitamál vikunnar, að minnsta kosti, en það er umfjöllun Kveiks í kvöld um mál sem tengjast Samherja.

Sjá nánar: Þorsteinn Már um RÚV:„Reyndu að nálgast okkur á fölskum forsendum“

Fréttir til sölu fyrir auðmenn

Gunnar segir að þar sem eigendur Hringbrautar eigi nú Fréttablaðið, megi gera ráð fyrir að auðmenn geti keypt umfjöllun um sig í fréttahluta blaðsins, þar sem slík fordæmi séu fyrir hendi:

„Eigendur Hringbrautar hafa keypt Fréttablaðið, komið með helstu lykilstarfsmenn með sér og sett blaðinu nýja stefnu. Það má því gera ráð fyrir að Samherja-frændur og aðrir auðmenn geti keypt umfjöllun um sig á Fréttablaðinu eins og á Hringbraut.

Þarna vísar Gunnar til rannsóknar Fjölmiðlanefndar á þætti Hringbrautar, Atvinnulífið, sem fjallaði um tvö mál þar sem grunur lék á að umfjöllunin hefði verið kostuð, án þess að tilgreint hefði verið um það, líkt og gera skal lögum samkvæmt, en Stundin fjallaði um það í fyrra.

Eitt málanna sem fjallað var um í þættinum á Hringbraut var rannsókn Seðlabanka Íslands á gjaldeyrisviðskiptum Samherja, hið svonefnda Asserta mál. Fjölmiðlanefnd sektaði Hringbraut um 500 þúsund krónur vegna þáttanna, sem sagðir voru brjóta gegn lögum um óheimila kostun, sem og að gæta ekki að rétti viðmælenda til friðhelgi einkalífs og hlutlægni og nákvæmni í umfjöllun sinni. Með öðrum orðum, þótti hún of einhliða og draga taum Samherja í málinu.

Gera megi ráð fyrir kostun

Um frétt Fréttablaðsins um Samherja í dag segir Gunnar Smári ennfremur:

„Er þetta keypt umfjöllun eða ókeypis? Fjölmiðlafyrirtæki sem selur sig einu er líklegt til að gera það aftur. Í raun er skynsamlegra fyrir almenning að gera ráð fyrir allt efni Fréttablaðsins/Hringbrautar sé selt umfjöllunarefninu en að ætla að ekkert af því sé selt.“

Skjáskot af frétt Fréttablaðsins í dag.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 3 dögum

Efling krefst þess að erlendir starfsmenn fái betri upplýsingar um COVID-19

Efling krefst þess að erlendir starfsmenn fái betri upplýsingar um COVID-19
Eyjan
Fyrir 3 dögum

Guðmundur Franklin opnar á þingframboð – „Tígrisdýrin breyta ekki röndunum á sér.“

Guðmundur Franklin opnar á þingframboð – „Tígrisdýrin breyta ekki röndunum á sér.“
Eyjan
Fyrir 5 dögum

Staðan á vinstri vængnum: Vænlegir nýliðar og beðið eftir ákvörðun Rósu Bjarkar

Staðan á vinstri vængnum: Vænlegir nýliðar og beðið eftir ákvörðun Rósu Bjarkar
Eyjan
Fyrir 6 dögum

Yngstu þingmenn 21. aldarinnar á Íslandi – Tvö jafn gömul upp á dag þegar þau urðu þingmenn

Yngstu þingmenn 21. aldarinnar á Íslandi – Tvö jafn gömul upp á dag þegar þau urðu þingmenn
Eyjan
Fyrir 1 viku

Guðni hjólar í Dag – „Ég hef aldrei á langri ævi horft á ann­an eins skrípaleik“

Guðni hjólar í Dag – „Ég hef aldrei á langri ævi horft á ann­an eins skrípaleik“
Eyjan
Fyrir 1 viku

Segir Ísland ekki stikkfrí í nýju köldu stríði

Segir Ísland ekki stikkfrí í nýju köldu stríði
Eyjan
Fyrir 1 viku

Gagnrýnir Ásmund harðlega: „Eiginhagsmunagæsla og atkvæðakaup“

Gagnrýnir Ásmund harðlega: „Eiginhagsmunagæsla og atkvæðakaup“
Eyjan
Fyrir 1 viku

Icelandair stefnir á að ljúka samningum í vikulok – Gengisveiking styður við endurreisn félagsins

Icelandair stefnir á að ljúka samningum í vikulok – Gengisveiking styður við endurreisn félagsins