Mánudagur 09.desember 2019
Eyjan

Davíð svarað: „Góð áminning um þau sérhagsmunaöfl sem standa að útgerð Morgunblaðsins“

Ritstjórn Eyjunnar
Þriðjudaginn 12. nóvember 2019 09:44

Ekki missa af Helstu tíðindum dagsins í pósthólfið þitt

Lesa nánar

Stjórnarskrárfélagið hefur sent frá sér yfirlýsingu vegna fréttaflutnings Morgunblaðsins og leiðaraskrifum Davíðs Oddsonar af rökræðukönnun sem haldin var í Laugardalshöll um helgina. Í frétt Morgunblaðsins sagði að meðlimir Stjórnarskrárfélagsins hefðu verið með áróður á fundinum og nærvera þeirra vakið furðu gesta.

Fer Davíð Oddsson síðan hörðum orðum um málið í leiðara Morgunblaðsins í dag.

Sjá nánar: Davíð í stuði:„Risastórt andaglas“- „Vitleysingaspítali“ – „Rugl“ – „Stórskrípaleikur“

Ábendingar án árangurs

Í yfirlýsingu Stjórnarskrárfélagsins segir:

Í tilefni af rökræðukönnun um stjórnarskrá sem haldin var í Laugardalshöll um helgina og umfjöllunar Morgunblaðsins af málinu vill Stjórnarskrárfélagið vekja athygli á eftirfarandi: Í þjóðaratkvæðagreiðslunni 2012 studdu 2/3 hlutar kjósenda tillögur sem skyldu verða grundvöllur nýrrar stjórnarskrár, að undangengnu löngu og lýðræðislegu ferli. Rökræðukönnunin hefði hæglega getað unnið með þær tillögur kjósenda til að fá úr því skorið hvort fólk sé þeim almennt sammála eða hvort einhverju þyrfti að breyta. Með því móti hefðu lýðræðisleg vinnubrögð verið virt og ekki gengið þvert gegn afgerandi niðurstöðu úr lögmætri þjóðaratkvæðagreiðslu.

Fólk úr stjórn félagsins reyndi á fyrri stigum að koma ábendingum um þetta á framfæri við undirbúningsnefnd og skipuleggjendur rökræðukönnunarinnar en án árangurs. Þrátt fyrir þetta fagnar félagið opinni umræðu um stjórnarskrármál og ákvað að gefa þeim gestum í Laugardalshöll sem vildu eintak af nýju stjórnarskránni. Umfjöllun mbl.is og leiðarahöfundar Moggans um meint afskipti félagsmanna af rökræðukönnuninni sjálfri er fjarstæðukenndur enda hefur forstöðumaður Félagsvísindastofnunar komið því skýrt á framfæri að viðvera örfárra einstaklinga úr félaginu hafi engin áhrif haft á fundinn, sem reyndar var öllum opinn þótt það hafi ekki farið hátt.

Fréttaflutningur sem þessi er samt sem áður góð áminning um þau sérhagsmunaöfl sem standa að útgerð Morgunblaðsins og undir viðvarandi taprekstri þess. Stjórnarskrárfélagið skorar á alla sem vilja standa vörð um lýðræði í landinu að notfæra sér umræðuna um stjórnarskrárbreytingar og þrýsta á um gildistöku nýju stjórnarskrárinnar, sem því miður hefur fengið að safna ryki innan veggja Alþingis síðastliðin sjö ár. Þjóðin er stjórnarskrárgjafinn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 3 dögum

Efnahagslægð og niðurskurður á næsta leiti – Búast við að fækka starfsfólki um 600 manns

Efnahagslægð og niðurskurður á næsta leiti – Búast við að fækka starfsfólki um 600 manns
Eyjan
Fyrir 3 dögum

Segir Katrínu pólitíska skræfu sem klikkaði í dauðafæri- „Auðstéttin hefur öll tromp á hendi“

Segir Katrínu pólitíska skræfu sem klikkaði í dauðafæri- „Auðstéttin hefur öll tromp á hendi“
Eyjan
Fyrir 3 dögum

Ísland með ódýrustu heilbrigðisþjónustuna af Norðurlöndunum en lægstu framlögin – „Afleiðingarnar eru öllum augljósar“

Ísland með ódýrustu heilbrigðisþjónustuna af Norðurlöndunum en lægstu framlögin – „Afleiðingarnar eru öllum augljósar“
Eyjan
Fyrir 4 dögum

Ásmundur í jólaskapi – Sjáðu upphæð desemberuppbótarinnar

Ásmundur í jólaskapi – Sjáðu upphæð desemberuppbótarinnar
Eyjan
Fyrir 4 dögum

Fangar fá loksins geðheilbrigðisþjónustu – „Ekki aðeins viðunandi, heldur þannig að við getum verið stolt af“

Fangar fá loksins geðheilbrigðisþjónustu – „Ekki aðeins viðunandi, heldur þannig að við getum verið stolt af“
Eyjan
Fyrir 4 dögum

Íslensk stjórnvöld beðin um að uppræta spillingu í Angóla vegna Samherjamálsins

Íslensk stjórnvöld beðin um að uppræta spillingu í Angóla vegna Samherjamálsins