Laugardagur 14.desember 2019
Eyjan

Pírati segir fréttir af gjaldþroti sínu stórlega ýktar – „Óþarfi að reyna að flýta dauðdögum með óþarfa hjartaáföllum!“

Ritstjórn Eyjunnar
Fimmtudaginn 7. nóvember 2019 17:19

Ekki missa af Helstu tíðindum dagsins í pósthólfið þitt

Lesa nánar

Ásta Guðrún Helgadóttir, fyrrverandi þingflokksformaður Pírata, segir fréttir af meintu gjaldþroti sínu stórlega ýktar í færslu á Facebook í dag. Frétt þess efnis birtist á vef Eiríks Jónssonar í gær uppúr tísti hennar, með fyrirsögninni Pírati stefnir í gjaldþrot. Í tístinu sagði:

„Ég hef skilað inn gögnum og fór yfir mailið mitt, engin ítrekun um að ég þurfi að skila gögnum. Nei, gjaldfellum bara lánið og gerum þig gjaldþrota – það virðist vera góð leið.”

Ásta sér sig knúna til að leiðrétta misskilninginn í dag en þar fær Lánastofnun íslenskra námsmanna ekki góða einkun frá Ástu:

„Best að gjaldfella, svo ræða við fólk. Góð vinnubrögð, LÍN.“

Ásta hefur áður fjallað um fjármál sín á opinberum vettvangi, en hún sagði í Silfrinu í febrúar 2017 ekki hafa efni á því að kaupa sér íbúð fyrir þrítugt, þó svo hún væri með um 800 þúsund krónur á mánuði í laun eftir skatt, en Ásta er fædd árið 1990. Hún baðst síðar afsökunar á þeim ummælum.

Sjá nánar: Ásta Guðrún biðst afsökunar:„Ég læri af mistökum og geri betur næst“

Færsla Ástu er eftirfarandi:

„Æstar fréttir! Nei ég er ekki að verða gjaldþrota enda engin ástæða til. Enda var þetta ekki ummæli um mína fjárhagsstöðu heldur um hvernig LÍN starfar sem þetta tweet fjallar um. Á þriðjudag fæ ég skilaboð um að skólagjaldalán mitt frá LÍN hefði verið gjaldfellt. 3.3 milljónir sem skyldi borgast niður á 15 mánuðum, 210k á mánuði takk. Ég auðvitað sá strax að um mistök hefði verið að ræða, enda útskrifaðist ég. Kannski gleymdi ég að skila inn gögnum? Var ekki viss, hélt ég væri í góðu en ég er líka búin að vera mjög upptekin undanfarið, í nýrri vinnu.

En að sjálfsögðu þá var mér brugðið. Ég hafði ekki fengið neina tilkynningu um að það vantaði gögn, engin samskipti um lánið fyrr en þetta email. Ég hugsaði, jeminn hvernig mun LÍN taka á þessu? Get ég yfirhöfuð gert eitthvað? Nei málið er að samskiptaörðugleikar LÍN við námsmenn kristallast í því að í stað þess að senda tölvupóst til að minna á skil á gögnum – þá eru sendir tölvupóstar um að lánið sé gjaldfellt vegna þess að gögn vanti eða af öðrum ástæðum. Það eru engar upplýsingar um réttindi þín sem lánþega, engar upplýsingar um kæruleiðir, engar upplýsingar um afhverju. Bara allt í einu, tölvupóstur sem segir að þú ert í stórri skuld.

Best að gjaldfella, svo ræða við fólk. Góð vinnubrögð, LÍN. Kom á daginn að ég hafði ekki skilað inn lokaprófskírteini (fékk vinnu sama dag og niðurstöður einkunna, lífið er flókið) en um leið og það var komið í gegn féll rþssi gjaldfelling niður, sem betur fer. Málið er, að það hefði ekki þurft hálft hjartaáfall fyrir mig til að skila inn skírteini. Einfaldur tölvupóstur hefðu dugað. En það var farið strax alla leið. Og mér skilst að fleiri hafi fengið svipað bréf.

Þessi vinnubrögð LÍN hefur ekkert með lög LÍN að gera heldur samskipti og viðhorf þeirra til lánþega. Ég er ekki að verða gjaldþrota, enda myndi það ekki þurrka út LÍN skuldina mína þar sem LÍN mun elta mig þangað til ég dey. En það er algjör óþarfi að reyna að flýta dauðdögum með óþarfa hjartaáföllum! Góðar stundir!“

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Þorsteinn vill fá svör: Hverjir keyptu eignir Íbúðalánasjóðs? „Þetta er algjörlega ólíðandi framkoma“

Þorsteinn vill fá svör: Hverjir keyptu eignir Íbúðalánasjóðs? „Þetta er algjörlega ólíðandi framkoma“
Eyjan
Fyrir 2 dögum

Þórólfur ósáttur: Allt stopp eftir óveðrið – „Það vantar mikið upp á“

Þórólfur ósáttur: Allt stopp eftir óveðrið – „Það vantar mikið upp á“
Eyjan
Fyrir 3 dögum

Samfylkingin vill að skattrannsóknarstjóri geti ákært og sótt til saka

Samfylkingin vill að skattrannsóknarstjóri geti ákært og sótt til saka
Eyjan
Fyrir 3 dögum

Sakar Helga um bullandi vanhæfi: „Vill einmitt svo skemmtilega til að eiginkona Helga Hrafns er forstöðumaður Siðmenntar“

Sakar Helga um bullandi vanhæfi: „Vill einmitt svo skemmtilega til að eiginkona Helga Hrafns er forstöðumaður Siðmenntar“
Eyjan
Fyrir 4 dögum

Umsóknir um starf útvarpsstjóra Ríkisútvarpsins alls 41

Umsóknir um starf útvarpsstjóra Ríkisútvarpsins alls 41
Eyjan
Fyrir 4 dögum

Íslendingar byrjaðir að hamstra – Örtröð í verslanir og Vínbúðir – „Alvöru dómsdagsstemning“

Íslendingar byrjaðir að hamstra – Örtröð í verslanir og Vínbúðir – „Alvöru dómsdagsstemning“
Eyjan
Fyrir 4 dögum

Eiríkur fyrstur Íslendinga til að gegna embætti formanns EMBL

Eiríkur fyrstur Íslendinga til að gegna embætti formanns EMBL
Eyjan
Fyrir 4 dögum

Vilja aukið eftirlit og stöðva fúsk: „Heilsu og öryggi landsmanna stefnt í hættu“

Vilja aukið eftirlit og stöðva fúsk: „Heilsu og öryggi landsmanna stefnt í hættu“