Miðvikudagur 20.nóvember 2019
Eyjan

Vestfirðingar saka samninganefndina um hroka, yfirgang og valdníðslu

Ritstjórn Eyjunnar
Þriðjudaginn 8. október 2019 16:00

Ísafjörður - Af Facebooksíðu Ísafjarðar

Ekki missa af Helstu tíðindum dagsins í pósthólfið þitt

Lesa nánar

Í kjaradeilu SGS og sveitarfélaganna sem staðið hefur undanfarna mánuði er meðal annars deilt um innágreiðslu til starfsmanna vegna þess hversu samningar hafa dregist á langinn. Saminganefnd sveitarfélaganna vildi ekki greiða félagsmönnum í félögum innan SGS þá innágreiðslu eins og öðrum starfsmönnum sveitarfélaganna vegna deilna um lífeyrirssjóðsmál og fleiri atriði.
Í tilkynningu frá SGS segir að samninganefnd sveitarfélaganna hafi sent sveitarfélögunum afar „þóttafull og afdráttarlaus“ tilmæli um að innágreiðslan yrði ekki greitt. Þrjú sveitarfélög í landinu stóðu á sjálfsákvörðunarrétti sínum og greiddu félagsmönnum SGS sömu innágreiðslu og öðrum starfsmönnum.
„Þeim sveitarfélögum hefur nú verið refsað með því að vísa þeim úr samráði sveitarfélaganna í kjaraviðræðum sem er fáheyrð aðgerð, sérstaklega í því ljósi að samninganefndin samþykkti stuttu síðar að greiða margumrædda innágreiðslu,“
segir í tilkynningu.

Vestfirðingar lýsa furðu sinni

Tvö af þeim sveitarfélögum sem um ræðir eru á félagssvæði Verkalýðsfélags Vestfirðinga sem samþykkti af þessu tilefni meðfylgjandi yfirlýsingu á fundi sínum í gær:

Stjórn Verkalýðsfélag Vestfirðinga kom saman í gær til að ræða þá ákvörðun Sambands íslenskra sveitarfélaga að vísa þremur sveitarfélögum, (Súðavíkurhreppi, Reykhólahreppi og Tjörneshreppi) úr samráði sveitarfélaganna í kjaraviðræðum. Félagið sendi frá sér eftirfarandi yfirlýsingu í kjölfar fundarins. Verkalýðsfélag Vestfirðinga lýsir yfir furðu sinni með það ægivald sem samninganefnd sveitarfélaga hefur tekið sér með því að vísa sveitarfélögum, sem greiddu lægstlaunaða starfsfólkinu innágreiðslu vegna tafa á kjarasamningsgerð, úr samningaráði sveitarfélaganna. Slík aðgerð er bæði forkastanleg og lýsir valdníðslu gagnvart minni sveitafélögum í landinu.

Jafnframt lýsir stjórn félagsins yfir vonbrigðum með það sem virðist vera orðið að markmiði hjá samninganefnd sveitarfélaga að beita hroka og yfirgangi í samningaviðræðum frekar en gera kjarasamning. Nægir þar að vísa í ákvörðun samninganefndar sveitarfélaga að kæra niðurstöðu Félagsdóms í deilu SGS til Hæstaréttar. Tvö af þeim sveitarfélögum sem var vísað úr samningaráði sveitarfélaganna, Súðavíkur- og Reykhólahreppir, eru á félagssvæði Verk Vest. Sveitarfélögin tvö hafa lýst yfir vilja til að ganga til kjarasamninga vegna starfsmanna þeirra sem falla undir kjarasamninga Verk Vest við sveitarfélögin. Stjórn Verk Vest fagnar afstöðu sveitarfélaganna tveggja og lýsir yfir skýrum vilja til að hefja viðræður við sveitarfélögin tvö á grundvelli kröfugerðar Verk Vest.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Samherjaskjölin: Telur sig vita af hverju Jóhannes uppljóstrari var rekinn frá Samherja

Samherjaskjölin: Telur sig vita af hverju Jóhannes uppljóstrari var rekinn frá Samherja
Eyjan
Í gær

Andrew prins rústar The Crown

Andrew prins rústar The Crown
Eyjan
Í gær

Sósíalistar um Samherjamálið: „Auðvaldið rífur niður samfélagið. Sósíalisminn byggir það upp“

Sósíalistar um Samherjamálið: „Auðvaldið rífur niður samfélagið. Sósíalisminn byggir það upp“