fbpx
Sunnudagur 12.júlí 2020
Eyjan

Ritstjóri Fréttablaðsins sakaður um ritstuld – „Svo líkur er textinn án þess að heimildar sé getið“ – Ólöf svarar

Ritstjórn Eyjunnar
Fimmtudaginn 17. október 2019 15:00

Ekki missa af Helstu tíðindum dagsins í pósthólfið þitt

Lesa nánar

Halldór Auðar Svansson, fyrrverandi borgarfulltrúi Pírata, sakar Ólöfu Skaftadóttur, annan ritstjóra Fréttablaðsins, um ritstuld í leiðaraskrifum sínum í dag. Segir Halldór að leiðarinn sé í það minnsta öfgakennt dæmi um kranablaðamennsku, sem séu letileg vinnubrögð og ekki til fyrirmyndar:

„Stundum er talað um svokallaða kranablaðamennsku, þar sem blaðamaður bara skrúfar frá krana og leyfir einhverjum að tjá sig að vild án þess að fram fari sjálfstæð sannreyning á fullyrðingunum eða skoðun frá fleiri hliðum. Þetta þykir letilegt og ekki til fyrirmyndar. Pistill ritstjóra Fréttablaðsins í dag held ég að sé ansi öfgakennt dæmi um kranablaðamennsku, þar sem hér eru fullyrðingar hagsmunaaðila (Sigurðar Hannessonar framkvæmdastjóra Samtaka iðnaðarins) teknar nánast orðréttar og orðnar að staðreyndum sem ritstjórinn og þar með blaðið gera að sínum. Það er líka spurning hvort þetta teljist eiginlega ekki vera ritstuldur frá Sigurði, svo líkur er textinn án þess að heimildar sé getið,“

segir Halldór Auðar og birtir tengla á leiðara Ólafar annars vegar og frétt Fréttablaðsins hinsvegar þar sem Hörður Ægisson, ritstjóri Markaðarins, hefur eftir ummæli frá Sigurði sem Halldór segir Ólöfu gera að sínum í leiðaranum og þar með sé hún að stela orðum Sigurðar.

Dæmi hver fyrir sig. Hér er fréttin eftir Hörð og hér er leiðari Ólafar.

Halldór úti að aka

Eyjan hafði samband við Ólöfu og bar ásakanir Halldórs undir hana. Hún segir Halldór úti að aka varðandi ásakanir sínar:

„Ég hef fátt við þessu að segja, nema að Halldór Auðar Svansson, sem er bæði greindur maður og vinur minn, er úti að aka í þessu máli. Ég reifa í skoðanagrein minni í Fréttablaðinu í dag sjónarmið beggja aðila í dómsmáli sem hefur verið höfðað um meint ólögmæti innviðagjalda Reykjavíkurborgar og niðurlagið er svo mín skoðun á málinu. Ég hefði frekar hnýtt í málfarið í hans sporum, því ég sé eftir því að hafa notað orðskrípið „lausnamiðaður“ í mest lesna dagblaði landsins.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Katrín svarar Kára

Ekki missa af

Ja-ja ding dong
Eyjan
Fyrir 4 dögum

Kennir Sjálfstæðisflokknum um Káraklúðrið

Kennir Sjálfstæðisflokknum um Káraklúðrið
Eyjan
Fyrir 5 dögum

Fangelsinu á Akureyri lokað til að nýta peningana betur annars staðar

Fangelsinu á Akureyri lokað til að nýta peningana betur annars staðar
Eyjan
Fyrir 1 viku

Pútín birti grein í Morgunblaðinu

Pútín birti grein í Morgunblaðinu
Eyjan
Fyrir 1 viku

Skera verður niður óþarfa kostnað vegna Covid-19 kreppunnar

Skera verður niður óþarfa kostnað vegna Covid-19 kreppunnar
Eyjan
Fyrir 1 viku

Ragnar vill svör – „Á meðan þingheimur sleikir sólina sleikir þjóðin sárin“

Ragnar vill svör – „Á meðan þingheimur sleikir sólina sleikir þjóðin sárin“
Eyjan
Fyrir 1 viku

Dvínandi stuðningur við ríkisstjórnina en þó meirihluti

Dvínandi stuðningur við ríkisstjórnina en þó meirihluti