fbpx
Mánudagur 10.maí 2021
Eyjan

Segir skort á mannúð þrátt fyrir barnamálaráðherratitilinn: „Af fullkomnu miskunnarleysi verið að kippa fótum undan tilveru barna“

Ritstjórn Eyjunnar
Fimmtudaginn 4. júlí 2019 11:00

Ekki missa af Helstu tíðindum dagsins í pósthólfið þitt

Lesa nánar

Kolbrún Bergþórsdóttir skrifar leiðara Fréttablaðsins í dag hvar hún dregur í efa umhyggju stjórnvalda fyrir börnum, sem send séu úr landi út í óvissuna. Nefnir hún titilinn „barnamálaráðherra“ sérstaklega sem skrautfjöður sem standi tæplega undir nafni:

„Félagsmálaráðherra landsins ber aukatitilinn barnamálaráðherra, og fullt heiti er því félags- og barnamálaráðherra. Vísast á þessi aukatitill „barnamálaráðherra“ að vera til marks um umhyggju stjórnvalda fyrir börnum og ungmennum. Því miður er þessi umhyggja oft æði takmörkuð og ekki ratar hún alltaf þangað sem sár þörf er fyrir hana. Ef hún væri sönn og ekta myndi hún beinast að þeim börnum sem líða þjáningar og hið augljósa markmið væri þá að gera allt sem mögulegt væri til að gera líf þessara ungu einstaklinga betra. Hins vegar er það svo að þegar slík umhyggja kann að kosta stjórnvöld einhver óþægindi þá eru þau yfirleitt furðu fljót að koma sér í skjól. Nýleg dæmi blasa við og eru æði sorgleg,“

segir Kolbrún.

Mýmörg dæmi

Mörg dæmi eru um að börn séu send héðan úr landi og nefnir Kolbrún þau sem komið hafa upp nýverið. Hinnar 14 ára gömlu Zainab Safari frá Afganistan , sem vilji ekkert meira en að búa á Íslandi, en hún bjó áður í flóttamannabúðum í Grikklandi ásamt móður sinni og bróður, og hennar bíða þau örlög að verða að öllum líkindum vísað þangað aftur.

Kolbrún nefnir einnig Asadollah frá Afganistan og syni hans sem eru níu og tíu ára, en annar drengjanna fékk taugaáfall þegar hann frétti að vísa átti þeim úr landi. Hefur brottvísuninni verið frestað tímabundið af þeim sökum:

„Þannig er af fullkomnu miskunnarleysi verið að kippa fótum undan tilveru barna sem bjuggu við neyð og óöryggi en töldu sig vera komin í skjól.“

Samúðin einskis virði

Kolbrún vill að stjórnvöld sýni mannúð í verki og taki upp málstað barna:

„Endalaust má horfa á sjónvarpsfréttir af neyð úti í löndum og andvarpa samúðarfullt vegna þeirra skelfilegu aðstæðna sem börn á flótta þurfa að búa við og hugsa um leið hversu nauðsynlegt sé að koma þeim til bjargar. Þessi samúð er alls einskis virði ef enginn vilji er til að hjálpa þessum börnum þegar tækifæri gefst til þess. Það má skreyta félagsmálaráðherra með heitinu barnamálaráðherra en ef umhyggja stjórnvalda sýnir sig ekki í reynd þegar þörf er á þá er hún ósönn. Af hverju sýna stjórnvöld ekki mannúð í verki? Þau geta ekki endalaust falið sig á bak við reglugerðir. Ef reglugerðir eru óréttlátar þá er skylda stjórnvalda að rísa upp og krefjast breytingar á því. Ef velferð barna skiptir stjórnvöld raunverulegu máli þá eiga þau að taka sér stöðu með þeim börnum sem þola þjáningar. Ekki umvefja sig þögn.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

Frambjóðandi Sjálfstæðisflokksins leggst gegn afglæpavæðingu – „Hvenær gáf­umst við upp á bar­átt­unni við eit­ur­lyfja­barón­ana?“

Frambjóðandi Sjálfstæðisflokksins leggst gegn afglæpavæðingu – „Hvenær gáf­umst við upp á bar­átt­unni við eit­ur­lyfja­barón­ana?“
Eyjan
Fyrir 5 dögum

Bjarni vill framlengja séreignasparnaðarúrræði – „Mikil kjarabót fyrir þúsundir Íslendinga“

Bjarni vill framlengja séreignasparnaðarúrræði – „Mikil kjarabót fyrir þúsundir Íslendinga“
Eyjan
Fyrir 1 viku

Vilhjálmur hjólar í Drífu – „Það er sorglegt að lesa frá forseta ASÍ svona rakalausa þvælu“

Vilhjálmur hjólar í Drífu – „Það er sorglegt að lesa frá forseta ASÍ svona rakalausa þvælu“
Eyjan
Fyrir 1 viku

Svarar Mogganum fullum hálsi : „Fimmtíu milljarða skattahækkun“

Svarar Mogganum fullum hálsi : „Fimmtíu milljarða skattahækkun“
EyjanFastir pennar
Fyrir 1 viku
Vondir embættismenn
Eyjan
Fyrir 1 viku

Fordæmalaust kjördæmaflakk Kolbeins – Á öflugan stuðning í Reykjavík

Fordæmalaust kjördæmaflakk Kolbeins – Á öflugan stuðning í Reykjavík
Eyjan
Fyrir 1 viku

Diljá sækist eftir 3. sæti í prófkjöri Sjálfstæðisflokksins

Diljá sækist eftir 3. sæti í prófkjöri Sjálfstæðisflokksins