Þriðjudagur 10.desember 2019
Eyjan

Könnun MMR: Blússandi sigling Miðflokksins á kostnað stjórnarflokkanna

Ritstjórn Eyjunnar
Fimmtudaginn 11. apríl 2019 15:20

Ekki missa af Helstu tíðindum dagsins í pósthólfið þitt

Lesa nánar

Miðflokkurinn nálgast óðum kjörfylgi sitt samkvæmt nýjustu mælungum MMR. Mælist hann nú með 10.2 prósent, en hann fékk 10.9 prósent í kosningum 2017. Eykur hann fylgi sitt um 2.2 prósentustig milli kannana. Allir stjórnarflokkarnir missa nokkuð fylgi, en Sósíalistaflokkurinn bætir hressilega við sig milli kannana og fer úr 2.5 prósenti í 4.5 prósent.

Fylgi Sjálfstæðisflokksins hefur minnkaði um tæp tvö prósentustig frá síðustu fylgismælingu MMR og mælist nú 21,7%.

Píratar mældust með 15,0% fylgi, sem er tæplega einu og hálfu prósentustigi meira en flokkurinn mældist með í síðustu könnun.

Þá minnkaði fylgi Framsóknarflokksins um tæplega tvö og hálft prósentustig.

Fylgi Samfylkingarinnar mældist nú 13,9% og mældist 13,8% í síðustu könnun.
Fylgi Vinstri grænna mældist nú 10,4% og mældist 11,4% í síðustu könnun.
Fylgi Miðflokksins mældist nú 10,2% og mældist 8,0% í síðustu könnun.
Fylgi Viðreisnar mældist nú 9,0% og mældist 9,4% í síðustu könnun.
Fylgi Framsóknarflokksins mældist nú 8,7% og mældist 11,1% í síðustu könnun.
Fylgi Flokks fólksins mældist nú 5,4% og mældist 4,7% í síðustu könnun.
Fylgi Sósíalistaflokks Íslands mældist nú 4,5% og mældist 2,5% í síðustu könnun.
Fylgi annarra flokka mældist 1,2% samanlagt.

Aukinn stuðningur þrátt fyrir fylgistap

Stuðningur við ríkisstjórnina jókst hins vegar um um tæp fimm prósentustig og mældist nú 46,5% en var 41,8% í síðustu mælingu.

Samkvæmt Ingvari Þorsteinssyni hjá MMR gæti þessi stuðningur við ríkisstjórnina, þrátt fyrir fylgistap allra stjórnarflokkanna, skýrst vegna þess að stuðningsmenn annarra flokka bæru aukið traust til ríkisstjórnarinnar, til dæmis vegna lífskjarasamninga sem undirritaðir voru í millitíðinni frá síðustu könnun.

 

 

 

Lagðar voru allt að þrjár spurningar fyrir svarendur um stuðning þeirra við stjórnmálaflokka. Allir voru spurðir spurningar 1: „Ef kosið yrði til Alþingis í dag, hvaða flokk myndir þú kjósa?“. Þeir sem svöruðu „Veit ekki/óákveðin(n)“ við spurningu 1 voru því næst spurðir spurningar 2: „En hvaða flokkur yrði líklegast fyrir valinu?“. Ef aftur var svarað „Veit ekki/óákveðin(n)“ þá voru þátttakendur að lokum spurðir spurningar 3: „Hvort er líklegra að þú kysir Sjálfstæðisflokkinn eða einhvern hinna flokkanna?“. Fjölda þeirra sem svaraði „einhvern hinna“ í spurningu 3 var skipt milli annarra flokka en Sjálfstæðisflokksins í sama hlutfalli og fylgi þeirra var skv. spurningum 1 og 2. Samtals voru 80,2% sem gáfu upp afstöðu til flokka, aðrir kváðust óákveðnir (5,6%), myndu skila auðu (7,0%), myndu ekki kjósa (2,2%) eða vildu ekki gefa upp afstöðu sína (4,8%). Myndin sýnir niðurstöðu könnunar að viðbættum efri og neðri vikmörkum miðað við 95% öryggisbil ásamt samanburði við síðustu kannanir þar á undan.

Upplýsingar um framkvæmd:

Úrtak: Einstaklingar 18 ára og eldri, valdir handahófskennt úr hópi álitsgjafa MMR.
Álitsgjafar MMR eru valdir úr Þjóðskrá þannig að þeir endurspegli lýðfræðilega samsetningu þjóðarinnar á hverjum tíma.
Könnunaraðferð: Spurningavagn MMR
Svarfjöldi: 926 einstaklingar, 18 ára og eldri
Dagsetning framkvæmdar: 4. til 9. apríl 2019

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 3 dögum

Steinunn Ólína með risa tilkynningu: Hjólar í Moggann – „Morgunblaðið á ríkustu vinina“

Steinunn Ólína með risa tilkynningu: Hjólar í Moggann – „Morgunblaðið á ríkustu vinina“
Eyjan
Fyrir 3 dögum

Ágúst Ólafur bendir á ódýr verkefni sem gætu bætt samfélagið: „Af hverju við erum ekki löngu búin að þessu?“ 

Ágúst Ólafur bendir á ódýr verkefni sem gætu bætt samfélagið: „Af hverju við erum ekki löngu búin að þessu?“ 
Eyjan
Fyrir 3 dögum

Hólmfríður finnur spillingarfnyk: „Skammist ykkar fyrir að fela ykkur á bak við þessa ljótu ohf-druslu“

Hólmfríður finnur spillingarfnyk: „Skammist ykkar fyrir að fela ykkur á bak við þessa ljótu ohf-druslu“
Eyjan
Fyrir 4 dögum

Ragnar Þór – „Þetta er bara angi af þessari djúpu spillingu“

Ragnar Þór – „Þetta er bara angi af þessari djúpu spillingu“