Miðvikudagur 22.janúar 2020
Eyjan

Ferðamálaráðherra undrast áherslur verkalýðsfélaganna – „Tekjurnar hafa ekki runnið í vasa þeir sem vinna vinnuna“ segir Sólveig Anna

Kristján Kristjánsson
Mánudaginn 25. febrúar 2019 07:55

Þórdís Kolbrún R. Gylfadóttir

Ekki missa af Helstu tíðindum dagsins í pósthólfið þitt

Lesa nánar

Þórdís Kolbrún R. Gylfadóttir, ferðamálaráðherra, telur einkennilegt að fyrirhuguð verkföll Eflingar, VR, Verkalýðsfélags Akraness og Verkalýðsfélags Grindavíkur muni bitna á ferðaþjónustunni. Þetta sé sú atvinnugrein sem hafi skapað einna flest störf undanfarin ár. Formaður Eflingar segir á móti að ferðaþjónustan hafi skilað miklum hagnaði á undanförnum árum en tekjurnar hafi ekki runnið í vasa þeirra sem vinna vinnuna.

Fréttablaðið skýrir frá þessu í dag. Haft er eftir Þórdísi að ferðaþjónustan sé atvinnugrein sem skipti lífskjör þjóðarinnar miklu máli og hafi skapað einna flest störf á undanförnum árum, hún hafi vaxið hratt og afkoman hafi mikil áhrif á samfélagið. Hún segir tímasetningu deilna verkalýðsfélaganna við Samtök atvinnulífsins sérstaklega slæma.

„Af koma (sic) ferðaþjónustunnar hefur verið að versna þótt fjöldi ferðamanna hafi aukist. Greinin er mannaflafrek og launagreiðslur stærstur hluti rekstrarkostnaðar.”

Hún tekur einnig undir orð Bjarna Benediktssonar, fjármálaráðherra, í Sprengisandi í gær þar sem hann sagði skjóta skökku við að viðræðurnar séu komnar á þennan stað án þess að forsendur deilunnar virðist liggja fyrir.

„Það er verkefni aðila vinnumarkaðarins að leysa þetta og ég óska þeim góðs gengis og vona að þeim takist að greiða úr þessari flóknu stöðu. Á hinu tapa allir.”

Er haft eftir Þórdísi.

Starfsfólk Eflingar greiðir atkvæði á næstu dögum um vinnustöðvun þann 8. mars á hótel og veitingahúsum. Ef hún verður samþykkt munu um 700 manns leggja niður störf.

„Í þessum hópi er meirihlutinn konur af erlendum uppruna sem eru að vinna líkamlega erfiða vinnu á smánarlaunum. Ástæða þess að þessi starfsstétt er valin er að hér er um að ræða jaðarsettasta hópinn á lélegustu laununum í grein sem hefur skilað miklum hagnaði síðustu ár. Þær tekjur hafa ekki runnið í vasa þeirra sem vinna vinnuna”

Hefur Fréttablaðið eftir formanni Eflingar, Sólveigu Önnu Jónsdóttur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

„Stefnir í átök Ragnars Þórs og Gunnars Smára“

„Stefnir í átök Ragnars Þórs og Gunnars Smára“
Eyjan
Í gær

Þegar stóð til að rífa stóran hluta af gömlum húsum á Laugavegi – stuttu fyrir hrun

Þegar stóð til að rífa stóran hluta af gömlum húsum á Laugavegi – stuttu fyrir hrun
Eyjan
Í gær

Samherji sakaður um vafasöm viðskipti – Sagður græða milljarða á siðlausri viðskiptafléttu

Samherji sakaður um vafasöm viðskipti – Sagður græða milljarða á siðlausri viðskiptafléttu
Eyjan
Fyrir 2 dögum

Prófessor í þroskasálfræði barna: „Nei, mér finnst ekki komið nóg af umræðu um leikskólamál!“

Prófessor í þroskasálfræði barna: „Nei, mér finnst ekki komið nóg af umræðu um leikskólamál!“