Ólöf Kristín Sigurðardóttir, safnstjóri  Listasafns Reykjavíkur, segir verkið Pálmatré ekki vera dýrt og það sé einföldun að tala um 140 milljónir fyrir tvö pálmatré. Listasafn Reykjavíkur stóð fyrir samkeppninni um listaverkið, Ólöf segir í samtali við Vísi að verðið sé raunhæft miðað við listaverk í almenningsrými.

Þegar tölurnar eru sundurliðaðar kemur í ljós að pálmatrén sjálf kosta um 1,5 milljón. Þróun arkitekta kosta um 21,5 milljón, 1,2 milljónir í grunn, 9 milljónir í tæknibúnað og 85 milljónir í glerhjúpinn.

Ekki eru allir par sáttir við áformin um að eyða 140 milljónum í verkið, hafa margir gagnrýnt borgina harðlega. Það skal þó tekið fram að borgin hyggst greiða fyrir verkið með innviðagjöldum frá lóðahöfum.

Sjá einnig: Reykjavíkurborg ætlar að greiða 140 milljónir fyrir tvö pálmatré – „Er borgarmeirihlutinn að tapa sér?“

Garðyrkjumaður í samtali við Eyjuna fyrr í dag að verið væri að „kvelja“ trén með því að taka þau úr sínu náttúrulega hitabeltisumhverfi og planta þeim á Íslandi.

Sjá einnig: Hafsteinn garðyrkjumaður segir pálmatré í Vogahverfi vera plöntuníð: „Rándýr aðferð til að kvelja plöntur“

Ólöf segir í samtali við Vísi að verkið sé ekki dýrt: „„Nei ég held að þetta sé ekki dýrt verk. Hins vegar held ég að við séum að fá mikið fyrir þessa fjárfestingu. Þetta er bara raunhæft verð og raunhæfur útreikningur á því hvað listaverk í almenningsrými kostar. Ég held að gildi útilistaverka sé ótvírætt.“ Bætir hún við að lýsingin í verkunum sé svipuð og í dagsbirtuljósum, þau geti því haft jákvæð og heillandi áhrif á umhverfið.

„Það er heilbrigt að tala um hlutina en sú gagnrýni að verið sé að borga 140 milljónir fyrir tvö pálmatré er fullmikil einföldun. Það má líkja því við að kaupa sér bíl uppá milljón og einungis sé verið að greiða fyrir fjögur dekk. Þetta er miklu flóknara fyrirbæri en tvö pálmatré.  Þessum verkum er ætlað að virkja svæðið og vera jákvætt innlegg í umhverfið.“