fbpx
Föstudagur 03.apríl 2020
Eyjan

Miðflokksþingmenn fengu sér lögmann og kröfðust úrræða frá Persónuvernd

Ritstjórn Eyjunnar
Mánudaginn 10. desember 2018 19:50

Ekki missa af Helstu tíðindum dagsins í pósthólfið þitt

Lesa nánar

Þeir fjórir þingmenn Miðflokksins sem sátu að sumbli á Klaustur bar, fengu sér lögmann sem hafði samband við Persónuvernd og krafðist þess að stofnunin rannsakaði hver hefði staðið að leynilegu hljóðupptökunni. RÚV greinir frá.

„Þar var þess krafist að Persónuvernd tæki til rannsóknar hver hafi staðið að þeirri hljóðupptöku sem átti sér stað þriðjudaginn 20. nóvember síðastliðinn sem og að viðeigandi úrræðum yrði beitt gagnvart hluteigandi,“

segir Helga Þórisdóttir, forstjóri Persónuverndar.

Um sólarhring síðar gaf Bára Halldórsdóttir sig fram sem uppljóstrarinn frá umræddu kvöldi. Greindi Persónuvernd lögmanni fjórmenninga Miðflokksins frá því og óskaði svara eftir hvort þingmennirnir færu fram á að stofnunin beitti valdheimildum sínum og ef svo, þá hverjum.

Ekki hefur borist svar við þeirri fyrirspurn ennþá. Á samfélagsmiðlum hafa margir sagt að það væri pólitísk sjálfsmorð fyrir Miðflokkinn að sækja Báru Halldórsdóttur til saka fyrir upptökuna, en sjálf hefur hún ekki sagst hrædd við slíkt, hún sé stolt af gjörðum sínum.

Þetta þýðir að Miðflokksþingmennirnir fjórir, þau Sigmundur Davíð Gunnlaugsson, formaður, Gunnar Bragi Sveinsson þingflokksformaður, Bergþór Ólason og Anna Kolbrún Árnadóttir, höfðu hafið undirbúning að því að fara með málið fyrir dómstóla, hvað sem síðar verður.

Helga segir við RÚV að fjögur erindi hafi borist frá almenningi vegna Klausturmálsins, en tekin verður ákvörðun um það á stjórnarfundi hvort Persónuvernd taki upptökuna formlega fyrir og taki afstöðu til málsins.

„Í ljósi þess hvernig þetta mál er, þá er eðlilegt að það komi einhverskonar afstaða frá Persónuvernd í því. Það erindi sem kom til okkar gekk út frá því að það yrði þá skoðað í ljósi þess að það er stjórnarskrárákvæði um friðhelgi einkalífs. Það er eðlilega ákveðin ákvæði í persónuverndarlögum sem gætu verið er til skoðunar,“

segir Helga.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Þetta ætlar Hafnarfjarðarbær að gera vegna Covid 19 – Aðgerðir bæjarstjórnar samþykktar

Þetta ætlar Hafnarfjarðarbær að gera vegna Covid 19 – Aðgerðir bæjarstjórnar samþykktar
Eyjan
Í gær

Þingmaður Samfylkingarinnar segir erfitt að hlýða Víði – „Hlýðninni eru takmörk sett“

Þingmaður Samfylkingarinnar segir erfitt að hlýða Víði – „Hlýðninni eru takmörk sett“
Eyjan
Fyrir 2 dögum

Tæplega 25.000 umsóknir vegna minnkaðs starfshlutfalls -„Sýnir að þessar aðgerðir sem við erum að grípa til eru að virka“

Tæplega 25.000 umsóknir vegna minnkaðs starfshlutfalls -„Sýnir að þessar aðgerðir sem við erum að grípa til eru að virka“
Eyjan
Fyrir 2 dögum

Útflutningsverðmæti fiskeldis í febrúar það næsthæsta frá upphafi – Mikil óvissa með framhaldið

Útflutningsverðmæti fiskeldis í febrúar það næsthæsta frá upphafi – Mikil óvissa með framhaldið