fbpx
Fimmtudagur 26.nóvember 2020
Eyjan

Inga Sæland vill að Karl og Ólafur segi af sér – Hitafundi hjá Flokki fólksins lokið

Bjartmar Oddur Þeyr Alexandersson
Fimmtudaginn 29. nóvember 2018 18:39

Ekki missa af Helstu tíðindum dagsins í pósthólfið þitt

Lesa nánar

Hitafundi hjá stjórn Flokks fólksins er nú lokið með ályktun þess efni að þingmennirnir Ólafur Ísleifsson og Karl Gauti Hjaltason eigi að segja af sér þingmennsku. Þingmennirnir hafa andmælarétt gegn tillögunni og eiga að mæta til fundar á morgun.

Rétt í í þessu tjáðu Inga Sæland, formaður Flokks fólksins, og Kolbrún Baldursdóttir, borgarfulltrúi, þegar þær gengu af stjórnarfundi að ákvörðun hefði verið tekin um að Ólafur Ísleifsson og Karl Gauti Hjaltason ættu að segja af sér þingmennsku fyrir flokkinn. Hálftíma áður höfðu bæði Ólafur og Karl farið af fundinum. Sögðu þeir þá við DV að ekki hefði verið tekin ákvörðun um stöðu þeirra í flokknum en það yrði gert í fyrramálið. Annar fundur verður haldinn klukkan tvö á morgun og verður þeim gefinn kostur á að andmæla ákvörðun stjórnar.

Á leyniupptöku af samsæti þeirra og nokkurra þingmanna Miðflokksins heyrist  Karl Gauti Hjaltason segja: „Ólafur er örugglega sammála mér að Inga Sæland getur þetta ekki.“ Ólafur Ísleifsson hreyfir þar engum mótmælum.

Á öðrum stað í upptökunni virðist Ólafur Ísleifsson vera með orðaleik þar sem hann kallar Ingu Sæland kuntu.

Þingmennirnir yfirgáfu stjórnarfund flokksins sem haldinn var vegna málsins áður en honum lauk. Blaðamaður DV hitti þá fyrir utan húsnæði flokksins í Hamraborg. Þar kváðust þeir ekki ætla að segja af sér. Karl sagðist hafa beðist afsökunar á framkomu sinni. Þingmennirnir neituðu því að þeir hygðust ganga í Miðflokkinn eins og ætla hefði mátt á tali manna á upptökunum.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 5 dögum

Þetta eru aðgerðirnar sem ríkisstjórnin boðar fyrir öryrkja

Þetta eru aðgerðirnar sem ríkisstjórnin boðar fyrir öryrkja
Eyjan
Fyrir 5 dögum

Vilhjálmur með mikilvæg skilaboð – „Gríðarlegir hagsmunir í húfi fyrir skuldsett heimili“

Vilhjálmur með mikilvæg skilaboð – „Gríðarlegir hagsmunir í húfi fyrir skuldsett heimili“
Eyjan
Fyrir 1 viku

Ver umdeilda skoðun sína – „Sjálfur er ég mikill sérfræðingur í smitsjúkdómum“

Ver umdeilda skoðun sína – „Sjálfur er ég mikill sérfræðingur í smitsjúkdómum“
Eyjan
Fyrir 1 viku

Björn segir að því sé enn ósvarað hvort mistök hafi verið gerð á Landakoti

Björn segir að því sé enn ósvarað hvort mistök hafi verið gerð á Landakoti