Tveir þingmenn Flokks fólksins hafa verið á örorkubótum. Þetta eru þau Inga Sæland formaður flokksins og Guðmundur Ingi Kristinsson.  Þau eru nú launþegar eftir að hafa verið kosin á þing. Inga Sæland er lögblind og Guðmundur Ingi hefur verið örykri frá árinu 1999. Samkvæmt heimildum Eyjunnar hefur það ekki gerst áður að tveir þingmenn fari af bótum inn á þing og gerist launþegar.

Guðmundur tjáir sig um þessu breyttu kjör í samtali við Morgunblaðið. Hann segir:

„Við miss­um allt það og verðum launþegar.“ Þá er haft eftir honum að þau muni uppifa skerðingu á næsta ári vegna tekna sem þau fá nú í lok árs. „Við þurf­um að end­ur­greiða og alls kon­ar.“ Þann 1. júlí 2018 fer fram uppgjör ársins. „Það munu koma stórfurðuleg­ir hlut­ir úr þeim potti og ég hlakka eig­in­lega bara til að sjá hvernig það kem­ur út,“ segir Guðmundur og bætir við að margir öryrkjar lendi í að þurfa að endurgreiða ef þeir afla tekna á meðan þeir þiggja bætur. Það fæli öryrkja til að vinna aukalega með bótunum. Dæmi séu um að öryrkjar hafi tapað húsleigubótum og orðið fyrir frekari skerðingum vegna þátttöku á vinnumarkaði.

Guðmundur þekkir þetta vel. Hann var lögreglumaður í sjö ár og síðar verslunarstjóri Brynju. Hann lenti í bílslysi 1993 og aftur 1999. Eftir það hefur hann farið í þrjár aðgerðir og verið öryrki. Áður en hann gekk í Flokk fólksins var hann í Pírötum.

„Hinn 1. júlí er kallaður skerðing­ar­dag­ur­inn, fyr­ir flesta. Þetta er bara eins og hlut­skipti flestra ör­yrkja sem er auðvitað al­veg skelfi­legt, að tekj­urn­ar skuli hafa svona rosa­lega mik­il áhrif.“