KSÍ hefur nú staðfest seinni vináttuleik íslenska karlalandsliðsins í komandi júníglugga. Liðið mætir Norður-Írlandi á Windsor Park í Belfast 10. júní.
Áður hafði verið greint frá því að Strákarnir okkar myndu mæta Skotum í Glasgow, en sá leikur fer fram 6. júní
Ísland og Norður-Írland hafa mæst sex sinnum áður í A landsliðum karla, en þetta verður í fyrsta sinn sem liðin mætast í vináttulandsleik.
Fyrsta viðureignin var árið 1977 og var það raunar fyrsti sigur íslenska liðsins í undankeppni HM frá upphafi.
