Friðrik Ólafsson skákmeistari er níræður í dag. Að því tilefni verður opið hús í Hörpu.

Friðrik er fæddur 26. janúar árið 1935, lögfræðingur að mennt og starfaði lengi sem skrifstofustjóri Alþingis. Hann er þó lang þekktastur fyrir feril sinn sem skákmaður.

Friðrik varð fyrsti stórmeistarinn í skák árið 1958. En þá hafði hann orðið margfaldur Íslandsmeistari í skák og orðið Norðurlandameistari.

Hann sigraði mörg alþjóðleg skákmót og var forseti Alþjóða skáksambandsins (FIDE) árin 1978 til 1982. Í tvígang sigraði hann heimsmeistarann Bobby Fischer. Árið 2015 varð Friðrik sæmdur tigninni aðalheiðursfélagi FIDE. En auk þess hefur Friðrik verið sæmdur ýmsum titlum, svo sem stórriddarakrossi hinnar íslensku fálkaorðu.

Stórafmæli Friðriks verður fagnað í dag í salnum Eyri í Hörpu með opnu húsi. Samkoman hefst klukkan 16 og stendur til 19.