Föstudagskvöldið 6. desember mun tónlistarmaðurinn Andri Ásgrímsson frumflytja verk sitt „adrie íem“ ásamt vel völdum vinum í Hannesarholti. 

Andri Ásgrímsson á að baki feril með hljómsveitumum Leaves, Náttfari. Rif, Stafrænn Hákon, Kíra Kira ásamt tveimur sólóplötum undir eigin nafni og blær hann nú til útgáfutónleika vegna þriðju sólóplötunnar.

Andri mun leika meðal annars á flygil/hljómborð, Arnljótur Sigurðsson á þverflautu, Freysteinn Gíslason á bassa og Emilía Benidikta Gísladóttir mun dansa en hún hefur verið einn okkar fremsti nútíma dansari síðastliðin ár og hefur meðal annars dansað með spænska konunglega dansflokknum. Arnar Guðjónsson(Leaves, Warmland) sér um hljóðblöndun. 

Tónleikarnir hefjast kl. 20, húsið opnar 19:30 og gengið er inn í Hljóðberg í Hannesarholti af Skálholtsstíg. Miðar fást á tix.is.

Níunda nóvember síðastliðinn kom út þriðja sólóplata Andra, Orrustan um Esjuna kom út árið 2009 og Tónlist til að púsla við árið 2021.

Nýja platan var unnin með hléum ca. 2022-2024 að sögn Andra.

„Tónlistinni á adrie íem má lýsa sem tilraunakenndri raftónlist með mótívum úr klassískri tónlist. Hún er vel ígrunduð með tilraunamennskuna að leiðarljósi. Fyrsta kost í útsetningu var yfirleitt sópað af borðinu en frekar leitað á önnur mið til að þróa hljóminn í nýjar áttir. Verkið er til dæmis án gítars sem er nýjung fyrir höfund.

Platan er í raun mest öll miditeiknuð og editeruð með þeim endalausu möguleikum sem eru í boði í hljóðvinnslu í dag. Rafbassi og píanó eru þó undantekning á þeirri reglu.

Andri samdi, hljóðritaði og útsetti. Arnar Guðjónsson sá um lokamix og masteringu.

Norskur listamaður að nafni Martin Winther gerði cover art með kúlupennan einann að vopni.

Platan verður aðeins fáanleg á stafrænu formi á Spotify og Bandcamp.“