fbpx
Fimmtudagur 01.maí 2025
Fókus

Kona Gunnars fór í nýja lágvöruverslun og við henni blöstu tómar hillur og troðningur

Guðrún Ósk Guðjónsdóttir
Þriðjudaginn 10. september 2024 09:30

Gunnar Dan Wiium. Myndin til hægri tengist greininni ekki beint. Mynd/Pexels

Ekki missa af Helstu tíðindum dagsins í pósthólfið þitt

Lesa nánar

Gunnar Dan Wiium, þáttastjórnandi hlaðvarpsins Þvottahúsið, segir að það sé eitthvað mjög skrítið í gangi hérna á Íslandi.

„Um helgina heyrði ég mann – sem bæði aldrei talar illa um neinn og er með ríkt innsæi inn í alþjóða efnahagsmál – halda því fram að seðlabankastjóri væri hálfviti. Í gær sá ég að Facebook-vinur – sem kannski er smá aktívisti – fá sér stórt húðflúr af Bjarna nokkrum Ben í gervi bjarnabófa. Í morgun sá ég fasteignaauglýsingu þar sem fermetraverðið á tveggja herbergja íbúð sem byggð var rétt eftir stríðsár var komið í tæpar eina komma þrjár. Lítil tveggja herbergja á hundrað kúlur,“ segir Gunnar.

Hann segir frá nýlegri búðarferð eiginkonu sinnar. Hann nefnir ekki verslunina en draga má þá ályktun að hann sé að tala um nýju lágvöruverslunina Prís í Kópavogi.

„Um helgina fór konan mín í nýja lágvöruverslun því Bónus er orðin svo dýr og í nýju búðinni voru tómar hillur og troðningur. Atvinnurekendur eru hvattir til að veita ekki neinar launahækkanir svo að verðbólgan hjaðni en á sama tíma er verðbólgan góðæri fyrir þann sem gefur skilaboðin. Bankastofnanir og stórfyrirtæki græða á tá og fingri og verðbólgan er fyrir þeim kær komið ástand.“

Traustið orðið að engu

Gunnar segir að þetta snýst um traust, sem er þessa dagana ekkert.

„Traust milli venjulegs fólks og bankastofnana er ekkert. Traust milli venjulegs fólks og tryggingafélaga er ekkert. Traust milli venjulegs fólks og Alþingis er ekkert. Lífeyrissjóðir, bara gömul mýta, heilbrigðiskerfið orðið klofið kerfi, einkavætt til hægri og illa aðgengilegt til vinstri. Trúin á lýðræði er orðin að engu,“ segir hann.

„Það er skugga arkitekt bak við tjöldin og hann stillir sér ekki upp til kosninga, hann þarf þess ekki og situr tímabil eftir tímabil og ákvarðanir eru teknar. Aðgerðaráætlun sem snýr að því að hreinsa upp alla sjóði millistéttar og þrælavæða lægri stéttina. Öllu er sópað í einn sjóð sem fáir hafa aðgang að. Við erum að tala efnahags fasisma eða einræði pakkað í sellófan alræðis og vanmátturinn er algjör því DNA-ið okkar er stórslysa þrætt.“

Líður eins og hann sé á skilorði

„Ég hef aldrei lifað tíma sem þessa þar sem lýðræðisvitundin virðist vera í hnignun og stór hluti þjóðarinnar í upplausn á meðan góðæri ríkir fyrir eitt prósentið. Ég fæ að hanga á eignum eins og er svo lengi sem ég skulda ekki of mikið en mér líður samt sem áður eins og ég sé á skilorði,“ segir hann.

„Sem betur fer bjó ég erlendis í hálf-andan áratug og veit að ég get bara farið. Ég þarf nefnilega ekkert að búa á Íslandi nema að ég ákveði það. Það er ekkert mál að pakka bara í lítinn gám og láta sig hverfa, bara ein ákvörðun. Fyrir okkur er þetta bara spurning um nokkur ár í viðbót sem við þraukum undir valdníðslu fjármagnseiganda og borgum handrukkara-vextina og svo gefum við þeim puttann og förum.“

Gunnar skrifaði um málið á Facebook.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

LEGO-meistararnir frá Vopnafirði komnir heim frá keppni á heimsmeistaramótinu

LEGO-meistararnir frá Vopnafirði komnir heim frá keppni á heimsmeistaramótinu
Fókus
Í gær

Frænka Jeffrey Epstein birtir hrollvekjandi myndband: „Ef eitthvað kemur fyrir mig, þá er það ekki sjálfsvíg“

Frænka Jeffrey Epstein birtir hrollvekjandi myndband: „Ef eitthvað kemur fyrir mig, þá er það ekki sjálfsvíg“
Fókus
Fyrir 2 dögum

Hættir ekki að tala um íslenska manninn í appelsínugula jakkanum

Hættir ekki að tala um íslenska manninn í appelsínugula jakkanum
Fókus
Fyrir 2 dögum

Dóttir Susan Sarandon gekkst undir lýtaaðgerð ári eftir „brjóstaskandalinn“

Dóttir Susan Sarandon gekkst undir lýtaaðgerð ári eftir „brjóstaskandalinn“
Fókus
Fyrir 3 dögum

Þetta er aldurinn þar sem ólifnaðurinn fer að taka sinn toll

Þetta er aldurinn þar sem ólifnaðurinn fer að taka sinn toll
Fókus
Fyrir 3 dögum

Sjósundið hefur hjálpað Sif að vinna sig út úr pálmatrésslysinu hræðilega á Tenerife

Sjósundið hefur hjálpað Sif að vinna sig út úr pálmatrésslysinu hræðilega á Tenerife
Fókus
Fyrir 4 dögum

Karla Sofía Gascón: „Trans fólk mun aldrei hverfa, sama hversu mikið einhver reynir“

Karla Sofía Gascón: „Trans fólk mun aldrei hverfa, sama hversu mikið einhver reynir“
Fókus
Fyrir 4 dögum

Bókaspjall: Svik og undirferli

Bókaspjall: Svik og undirferli