Í rannsókninni, sem hefur verið birt í vísindaritinu Science, kemur fram að tæplega helmingur kínverskra stórborga sökkvi svo hratt niður að það sé áhyggjuefni. Fyrir sumar borgir eru þetta 3 millimetrar á ári en aðrar sökkva allt að 10 millimetra og sumar um einhverja sentimetra. Meðal þeirra borga sem sökkva eru höfuðborgin Peking og Shanghai.
Margar ástæður eru fyrir þessu og má þar nefna grunnvatnsnotkun Kínverja en hún er mikil. En einnig eiga háar og ekki síður þungar byggingar, sem hafa rokið upp á síðustu árum, hlut að máli.
Í rannsókninni kemur fram að Kínverjar noti meira vatn úr grunnvatnslónum en kemur í þau. Ástæðan er meðal annars skortur á hreinu drykkjarvatni en 80-90% af grunnvatni landsins er mengað.
Vegna loftslagsbreytinganna er úrkoman minni en áður og því kemur minna vatn inn í grunnvatnslónin.
Í Shanghai er grunnvatnsnotkunin svo mikil að borgin sígur nú um 5 sentimetra á ári að því er segir í annarri rannsókn vísindamann við University of Rhode Island.
