Stuðningsmenn enska landsliðsins eru nokkuð hissa á því að sjá fyrirliða sinn í fullu fjöri á æfingu hjá FC Bayern í dag. Félagið birti myndir af honum á æfingu í dag.
Kane var ekki með enska landsliðinu á laugardag gegn Brasilíu vegna meiðsla.
Hann verður heldur ekki með á morgun gegn Belgíu en virðist geta æft á fullu með Bayern.
Kane fékk högg á ökklann á dögunum en meiðslin virðast ekki mjög alvarleg og hann æfir á fullu.
Stuðningsmenn enska landsliðsins furða sig á þessu enda er Kane fyrirliði liðsins og hefðu þeir viljað sjá hann í ensku treyjunni.
