Breskur maður sem búið hafði í Ástralíu síðan 2013 og starfað þar sem lögreglumaður frá 2017 lést í veislu síðastliðinn sunnudag þar sem verið var að fagna trúlofun hans og ónefndrar konu sem starfaði sem hjúkrunarfræðingur.

Maðurinn hét Liam Trimmer og var 29 ára gamall. Hann er sagður hafa dottið með þeim afleiðingum að slagæð í hálsi hans skarst sem endaði með því að hann lést.

Sky News hefur þetta eftir áströlskum fjölmiðlum en ekki kemur fram hvernig slysið bar nákvæmlega að. Reynt var árangurslaust á vettvangi að bjarga lífi Trimmer. Rannsókn er hafinn á dauða hans.

Trimmer bjó og starfaði í vesturhluta Ástralíu nánar til tekið í lögreglunni bænum Kalgoorlie. Þar starfaði hann í sveit sem sérhæfir sig einkum í rannsóknum og viðbrögðum við glæpum glæpagengja.

Col Blanch lögreglustjóri Vestur-Ástralíu harmar mjög dauða Trimmer. Hann segir hann hafa verið afar hæfan ungan mann sem hafi átt allt lífið framundan. Trimmer hafi verið fyrirmyndar lögreglumaður. Blanch segir að allir sem viðstaddir voru veisluna og reyndu að bjarga lögreglumanninum unga eigi um sárt að binda:

„Ég held að þau óski þess öll að geta bara vaknað og verið laus úr þessari martröð,“ sagði Blanch.