Áramótaþáttur Íþróttavikunnar var af dýrari gerðinni þetta árið, Kristján Óli Sigurðsson og Hörður Snævar Jónsson mættu sem gestir í þáttinn sem Helgi Fannar Sigurðsson og Hrafnkell Freyr Ágústsson hafa stýrt í vetur.

Í þættinum voru veitt hin ýmsu verðlaun og þá var farið yfir allt það helsta úr íþróttalífinu hér á landi sem og erlendis.

Rætt var um brottrekstur Arnars Þórs Viðarssonar í mars þegar undankeppnin var nýlega farin af stað, brottrekstur sem þykir umdeildur.

„Ef það átti að reka hann, þá hefði átt að gera það í október á síðasta ári. Ég hefði alltaf viljað skipta um þjálfara, Age Hareide er betri þjálfari,“ segir Hrafnkell Freyr Ágústsson.

Herði Snævari finnst brottreksturinn furðulegur og aðallega út frá tímasetningu. „Hareide er reyndari, tímasetning á brottrekstrinum er fáránleg. Að gera þetta eftir tvo leiki segir mér að Knattspyrnusambandið er ekkert með á nótunum.

Mér skilst að aukalegur kostnaður við þetta hjá KSÍ sé í kringum 50 milljónir, launin hans Arnars eru borguð út yfir EM næsta sumar. Hann var með góðar klásúlur, svo þessir tíu mánuðir.“

Kristjáni þykir galið að Age Hareide fái nýjan samning strax. „Hann vill nýjan samning, getur gamall norskur karl og beðið um framlengingu af því að hann er búinn að vinna Licehtenstein og Bosníu. Ég veit ekki hvort það var rétt að reka Arnar, það hefur enginn þjálfari lent í svona stormi eins og hann.“

Umræðan í heild er í spilaranum.