Einn knattspyrnumaður og tvær knattspyrnukonur koma til greina sem Íþróttamaður ársins fyrir árið 2023. Listinn er opinberaður fyrir jól líkt og undanfarin ár.

Kjörið á íþróttamanni ársins verður opinberað 4 janúar.

Það er Jóhann Berg Guðmundsson, kantmaður Burnley í ensku úrvalsdeildinni sem er eini knattspyrnumaðurinn sem kemst á listann þetta árið.

Sveindís Jane Jónsdóttir leikmaður Wolfsburg og Glódís Perla Viggósdóttir leikmaður FC Bayern koma einnig til greina.

Sex konur eru á listanum yfir tíu efstu í kjörinu sem Samtök íþróttafréttamanna standa fyrir.

Nokkrir knattspyrnumenn hefðu getað gert tilkall til þess að vera á listanum en má þar nefna Albert Guðmundsson, Hákon Arnar Haraldsson og Hákon Rafn Valdimarsson.

Karólína Lea Vilhjálmsdóttir hefur einnig átt góða spretti á árinu en hún er í dag á láni hjá Bayer Leverkusen í Þýskalandi og hefur spilað vel með landsliðinu.

Tíu efstu í kjörinu á íþróttamanni ársins 2023 í stafrófsröð

Andrea Kolbeinsdóttir, frjálsíþróttir
Anton Sveinn McKee, sund
Elvar Már Friðriksson, körfubolti
Gísli Þorgeir Kristjánsson, handbolti
Glódís Perla Viggósdóttir, fótbolti