Guðlaugur Victor er algjör fastamaður hjá belgíska liðinu og spilar alla leiki.
„Ég er mjög sáttur. Það er búið að vera erfitt undanfarið hvað varðar úrslit en við erum ekkert að panikka. Við erum búnir að spila á móti öllum stærstu liðunum fimm leiki í röð en vonandi náum við í fleiri stig,“ sagði hann í samtali við 433.is í dag á hóteli íslenska landsliðsins sem undirbýr sig fyrir leiki gegn Lúxemborg og Liechtenstein.
DJI-0073
Með Eupen spilar einnig Alfreð Finnbogason, félagi Guðlaugs Victors í landsliðinu.
„Það er mjög gaman. Það er mjög gaman að hafa hann og fyrir okkur að hafa hvorn annan.“
Hann er jafnframt ánægður með gæði belgísku úrvalsdeildarinnar.
„Hún er mjög góð. Teknísk, líkamlega sterk og hröð. Það er mikið af ungum fótboltamönnum. Mér finnst mjög skemmtilegt að spila í henni og hún hentar svolítið mínum leikstíl.“
Ítarlegra viðtal við Guðlaug Victor er í spilaranum.
