UEFA hefur staðfest að Bretland og Írland munu halda EM 2028 í sameiningu.
Þetta hafði legið í loftinu og hefur nú verið staðfest. Ekkert mótframboð var þar sem Tyrkland hafði dregið sig úr kapphlaupinu um mótið.
Það verður spilað í fjölda borga, þar á meðal London, Dublin, Glasgow, Liverpool og Manchester.
Opnunarleikurinn fer fram í Cardiff en úrslitaleikur á Wembley í London.
Þá var einnig staðfest að EM 2032 verði haldið á Ítalíu og í Tyrklandi. Það var sömuleiðis ekkert mótframboð þarna.
