Opnunartíma verslunar ELKO á Granda hefur verið breytt. Frá og með 1. september verður verslunin opinn frá klukkan 10:00 til 18:00 á virkum dögum, en opnunartími var áður 11:00 til 19:00.

„Fjölmargar verslanir hafa upp á síðkastið hugað að breyttum opnunartíma til að mæta breyttri kauphegðun í gegnum netið og eins til að bregðast við óskum starfsfólks um að ljúka vinnu fyrr. Áhersla okkar er öll á góða þjónustu við viðskiptavini sem við vonum að taki breytingunni vel. Þá má taka fram að þó svo opnunartími ELKO á Granda breytist þá er vefverslun elko.is alltaf opin og áfram er hægt að hafa samband í netspjalli ELKO frá 09:00 að morgni til 19:00 að kvöldi,“ segir Óttar Örn Sigurbergsson framkvæmdastjóri ELKO, í tilkynningu vegna breytinganna.

Þar segir að breyttur opnunartími ELKO á Granda sé til að auka við þjónustustig verslunarinnar til neytenda, sem nú geta sótt þjónustu ELKO á höfuðborgarsvæðinu fyrr en áður.