Kathleen Hilton frá Grimsby í Englandi fagnaði 105 ára afmæli sínu á dögunum. Þegar hún var spurð að því hvert leyndarmál hennar væri að baki langlífinu stóð ekki á svarinu.

Kathleen er fædd þann 10 febrúar 1911 og hefur hún búið í Grimsby alla sína ævi en eiginmanni sínum Matt kynntist hún rétt áður en seinni heimstyrjöldin braust út. Hann lést árið 1984 en Kathleen á 6 börn og 9 barnabörn.

Á hverjum einasta laugardagsmorgni sest Kathleen niður og snæðir ríflegan breskan morgunverð sem samanstendur af beikoni, pylsum, eggjum og bökuðum baunum. Segist hún ekki efast um að það hafi hjálpað henni að ná þessum háa aldri.

Þá segir sonur hennar, David sem er 70 ára gamall að aðra morgna vikunnar snæði móðir hans hafragraut. „Hún á að vísu erfitt með að halda á hnífupörunum en hún á svo sannarlega ekki erfitt með að sporðrenna matnum!“ segir hann og kveðst fullviss um að steikti maturinn sé lykilinn að langlífi móður hans- semog góð gen.