Á aðalfundi LeiðtogaAuðar í Landsneti miðvikudaginn 31. maí síðastliðinn tók Svanhildur Jónsdóttir sérfræðingur hjá fjármála- og efnahagsráðuneyti við sem formaður. LeiðtogaAuður er sérstök deild innan Félags kvenna í atvinnulífinu, FKA, fyrir konur sem hafa yfirgripsmikla stjórnunarreynslu úr atvinnulífinu, bæði einkageiranum og hinu opinbera.
Félagskonur LeiðtogaAuðar eru hluti af forystusveit íslensks viðskiptalífs sem gegna eða hafa gegnt ábyrgðarstöðu í atvinnulífinu, konur sem vilja taka þátt í eflingu íslensks atvinnulífs og vera þeim konum sem á eftir koma hvatning, fyrirmynd og stuðningur.
„Landsnet bauð okkur velkomnar í stafræna framtíð,“ segir Svanhildur um heimsóknina í stjórnstöð Landsnets þar sem hópurinn fékk að upplifa og sjá með eigin augum hvernig við höldum ljósunum í landinu logandi. Markmið deildarinnar er að konur í forystusveit íslensks viðskiptalífs kynnist hver annarri og geti nýtt sér tengsl, stuðning, aðstoð og önnur tækifæri sem félagsskapurinn býður upp á og eftir hefðbundin aðalfundarstörf og stjórnarkjör var sumri fagnað og glaðst yfir því að geta hist.
Stjórn LeiðtogaAuðar 2023-2024 er sem hér segir – í stafrófsröð:
Tilgangur LeiðtogaAuðar er að efla tengslanet kvenna í stjórnunar- og áhrifastöðum í atvinnulífinu og að auka þátttöku og áhrif kvenna í atvinnulífinu. „Það er LeiðtogaAuðum mikilvægt að styrkja tengslanetið, efla þekkingu og geta leitað til hver annarrar,“ segir Svanhildur formaður sem segir nýja stjórn hlakka til að tengjast og hefja nýtt starfsár þar sem konur upplifa hvatningu, séu fyrirmynd og upplifi stuðning.
Auður Daníelsdóttir, forstjóri Orkunnar IS, Guðlaug Sigurðardóttir, framkvæmdastjóri fjármála hjá Landsneti, og Hildur Árnadóttir, ráðgjafi og stjórnarkona, fara úr stjórn deildarinnar og í tilkynningu frá FKA er þeim þakkað fyrir öflugt starf sem stjórnarkonur og Hildi fyrir öflugan tíma sem formaður.
