Búið er að reka þá Oliver Kahn og Hasan Salihamidzic úr starfi en þeir hafa unnið hjá Bayern Munchen.
Þetta var staðfest í kvöld en Kahn var framkvæmdarstjóri félagsins og Salihamidzic var þá yfirmaður knattspyrnumála.
Báðir leikmenn léku með Bayern á sínum leikmannaferli en liðið varð í kvöld þýskur meistari í lokaumferðinni.
Þeir voru báðir ansi umdeildir í starfi og voru mennirnir á bakvið brottrekstur Julian Nagelsmann í vetur.
Thomas Tuchel var ráðinn til starfa og tókst að vinna deildina að lokum en spilamennska liðsins var alls ekki sannfærandi.
