CrossFit-stjarnan Sólveig Sigurðardóttir og Halldór Karlsson eru nýtt par. Smartland greinir frá.
Sólveig Sigurðardóttir er ein fremsta íþróttakona okkar í CrossFit og komst á dögunum áfram í undanúrslit heimsleikana.
Halldór hefur gert garðinn frægan í ýmsum íþróttum og líkamsrækt, hann er þjálfari í Mjölni og hefur einnig daðrað við leiklist í gegnum tíðina. Hann er útskrifaður fatahönnuður og hefur verið að vinna við búningadeild vinsælu HBO-þáttanna True Detective: Night Country. Hann er einnig einn af þáttastjórnendum vinsæla hlaðvarpsþáttarins Sterakastið.
Margir kannast kannski við hann af öðrum ástæðum. Hann var um árabil í sambandi með ástsælu söngkonunni Bríeti Ísis Elfar, þau hættu saman árið 2020. Hún gaf út geysivinsælu plötuna Kveðja, Bríet, seinna sama ár sem fjallar um endalok ástarsambands í bland við upphaf á nýrri ást. Mörg lögin eru sögð fjalla um Halldór, meðal annars lagið „Rólegur kúreki“, sem var eitt vinsælasta lag ársins.
View this post on Instagram
