Kristján Einar, eða Kleini eins og hann kallar sig á samfélagsmiðlum, var vistaður í héraðsfangelsinu í Malaga í átta mánuði og losnaði á dögunum.
Sjá einnig: Kleini er laus úr steininum á Spáni eftir átta mánuði – „Og hef ég sögur að segja, madre mia“
Kristján Einar er sjómaður og áhrifavaldur. Hann greindi frá því á samfélagsmiðlum um helgina að hann væri frjáls maður og hefði sögur að segja.
Hann birti síðan færslu á Instagram og sagðist „formlega“ vilja „þakka Guði fyrir lífið.“
Ásdís Rán sendi honum hlýja kveðju. „Þetta hafa verið erfiðir mánuðir. Velkominn til baka og gangi þér vel,“ sagði hún.
Kristján Einar svaraði henni með hjarta.
Það hlýtur að vera góð tilfinning að vita af Ásdísi Rán í sínu horni á þessum þungbæru tímum.
Instagram-síða Kristjáns hefur legið í dvala undanfarna mánuði en hann ætlar sér greinilega að taka upp þráðinn að nýju og vinna sér aftur sess sem einn vinsælasti áhrifavaldur landsins, en hann hefur verið mjög virkur á miðlinum síðan á laugardaginn og birt fjölda færslna í Story frá Spáni.
