Eins og flestir vita fór Cristiano Ronaldo í umdeilt viðtal við Piers Morgan á dögunum.
Þar gagnrýnir hann marga hjá félagi sínu, Manchester United, þar á meðal knattspyrnustjórann Erik ten Hag.
Fyrri hluti viðtalsins birtist í heild í gær. Þar var meðal annars farið yfir vinsældir Ronaldo utan vallar og ástæðurnar fyrir þeim, en frægð Portúgalans nær langt út fyrir heim fótboltans.
„Þetta er ekki bara af því ég er góður í fótbolta,“ segir Ronaldo um frægð sína.
„Þú þarft að vera heillandi og fólk þarf að tengja við þig. Ég held að það skemmi ekki fyrir að vera myndarlegur,“ segir kappinn og hlær.
„Ég er heillandi. Ég er ávöxtur sem fólk vill bíta í, eins og jarðarber.“
Ronaldo fer mikinn í viðtalinu, en fyrri hluti þess birtist í gærkvöldi. Sá seinni kemur út í kvöld.