fbpx
Fimmtudagur 02.maí 2024
Pressan

Hvað er í gangi? Jörðin snýst hraðar en áður, eða hvað?

Kristján Kristjánsson
Laugardaginn 6. ágúst 2022 21:00

Hverju komu Kínverjar fyrir á braut um jörðina? Mynd:Pixabay

Ekki missa af Helstu tíðindum dagsins í pósthólfið þitt

Lesa nánar

29. júní 2022 kemst í sögubækurnar því þessi sólarhringur var sá stysti frá upphafi mælinga en þær hófust á sjöunda áratug síðustu aldar.

Eins og allir vita þá snýst jörðin einn heilan hring um sjálfa sig á 24 klukkustundum. Þannig er sólarhringur mældur. Svona hefur þetta verið í milljarða ára. En 29. júní síðastliðinn var sólarhringurinn 1.59 millisekúndum styttri en reiknað var með.

Þetta er hluti af þróun sem hefur átt sér stað síðustu árin. Það hefur færst í vöxt að sólarhringur mælist styttri en 24 klukkustundir. 2020 mældust 28 stystu sólarhringar síðustu 50 ára.  Það lá nærri að metið frá 29. júní síðastliðnum félli þann 26. júlí en þá vantaði 1.5 millisekúndur upp á sólarhringinn.

The Guardian segir að þegar horft sé til langs tíma sé að hægja á snúningshraða jarðarinnar. Fyrir 1.4 milljörðum ára var sólarhringurinn tæplega 19 klukkustundir. Að meðaltali eru sólarhringarnir að lengjast frekar en styttast eða um 1:74.000 hluta úr sekúndu á ári. Það er aðallega tunglið sem veldur þessu með þyngdarafli sínu en það togar  í jörðina og veldur sjávarföllum sem hægja á snúningi jarðarinnar.

Þegar horft er til skamms tíma þá er staðan aðeins flóknari og ekki hægt að segja að snúningshraðinn sé að hægja á sér. Margir þættir eiga hlut að máli, sumir bæta í snúning hennar en aðrir hægja á honum. Þetta eru til dæmis jarðarkjarninn, heimsálfurnar, heimshöfin og jöklar sem bráðna.

Bandaríska geimferðastofnunin NASA segir að sterkir vindar í tengslum við El Nino geti hægt á snúningnum og þannig lengt sólarhringinn um brot úr milli sekúndu. Jarðskjálftar geta haft öfug áhrif.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Dóttirin heyrði í „skrímslum“ í veggnum – Það sem leyndist þar minnti á atriði úr hryllingsmynd

Dóttirin heyrði í „skrímslum“ í veggnum – Það sem leyndist þar minnti á atriði úr hryllingsmynd
Pressan
Fyrir 2 dögum

Manstu eftir Joseph Kony? Nú eru málaliðar Pútíns á eftir honum

Manstu eftir Joseph Kony? Nú eru málaliðar Pútíns á eftir honum
Pressan
Fyrir 4 dögum

Fjólublá baktería gæti verið lykillinn að því að finna líf á fjarplánetum

Fjólublá baktería gæti verið lykillinn að því að finna líf á fjarplánetum
Pressan
Fyrir 4 dögum

Öfgaveður kostaði ESB-ríkin 2.000 milljarða á síðasta ári

Öfgaveður kostaði ESB-ríkin 2.000 milljarða á síðasta ári
Pressan
Fyrir 5 dögum

Líkamsrækt gæti snúið öldrunarferlinu við

Líkamsrækt gæti snúið öldrunarferlinu við
Pressan
Fyrir 5 dögum

Lömuð fyrir neðan háls eftir að hafa borðað súpu úr niðursuðudós

Lömuð fyrir neðan háls eftir að hafa borðað súpu úr niðursuðudós