Undarlegt myndband sem Maria Zakharova, talskona utanríkisráðuneytis Rússlands, deildi á samfélagsmiðlinum Telegram síðastliðna helgi hefur vakið töluverða athygli. Í myndbandinu má sjá Zakharova sjúga jarðaber en í bakgrunninum má heyra rússneska lagið Kalinka sungið af kór. Í frétt New York Post um myndbandið er það sagt vera „kynferðislegt“.
Myndbandið er í heild sinni um þrjár mínútur lengd en Zakharova skrifaði „Okkar eigin uppskera“ með myndbandinu. Þrátt fyrir að Zakharova sjúgi jarðaberið í myndbandinu þá borðar hún það í rauninni ekki í myndbandinu en auk þess segir hún ekki orð í því.
Zakharova, sem er 46 ára gömul, var gerð að talskonu rússneska utanríkisráðuneytisins árið 2015 en hún er fyrsta konan til að gegna embættinu. Hún er afar dugleg þegar kemur að því að koma Pútín til varnar þegar ráðist er á hann með orðum.
Eins og áður segir hefur myndbandið sem um ræðir vakið töluverða athygli en Edgars Rinkēvičs, utanríkisráðherra Lettlands, gerði til að mynda grín að myndbandinu. Rinkēvičs notaði rússneskan frasa er hann gerði grínið sem hægt er að þýða sem „hvort sem þér líkar þetta eður ei, þá skaltu afbera þetta.“
Samkvæmt umfjöllun New York Post um málið þá er frasinn notaður í tali um nauðganir og á Rinkēvičs að hafa verið að nota hann til að gefa í skyn að Zakharova sé látin segja og gera hluti gegn hennar vilja.
Zakharova var fljót að svara fyrir sig eftir þessi ummæli ráðherrans. „Edgars, fegurð er ekki þín sérgrein. Finndu einn myndarlegan og látu hann afbera þig. Ég er ekki þín,“ sagði Zakharova og gaf svo í skyn að Rinkēvičs væri samkynhneigður.