Þættirnir Queen – sem eru byggðir á hugmynd Árna Ólafs Ásgeirssonar heitins – eru komnir á streymisveituna Netflix. Árni skrifaði handritið ásamt Kacper Wysocki og stóð til að hann myndi einnig leikstýra þáttunum.
Árni Ólafur lést eftir skammvinna baráttu við krabbamein í apríl 2021, aðeins 49 ára að aldri.
Í inngangi fyrsta þáttar stendur: Til minningar um Árna Ólafs Ásgeirssonar, bæði á pólsku og á íslensku.
Queen fjallar um pólska klæðskerann Sylvester, sem er einnig dragdrottningin Loretta. Þegar sagan hefst er hann kominn á eftirlaun og hefur búið í París í hálfa öld, en hann lofaði sér því að snúa aldrei aftur til Póllands þegar hann flutti þaðan. Hann ákveður að svíkja eigið loforð þegar barnabarn hans hefur samband og biður hann um aðstoð, móðir hans – dóttir Sylvester – er veik og þarf að gangast undir nýrnaígræðslu.
Horfðu á stikluna hér að neðan.