Tveimur af mönnunum var auk þess vísað úr landi fyrir fullt og allt að afplánun lokinni, það er að segja ef þeir verða einhvern tímann látnir lausir.
Sjötti maðurinn var sýknaður af ákæru saksóknara.
Fimmmenningarnir áfrýjuðu dómnum strax til Eystri Landsréttar.
Dómurinn komst að þeirri niðurstöðu að ferðir hinna dæmdu fyrir morðið og notkun þeirra á dulkóðuðum farsímum sönnuðu að þeir hefðu verið að verki. Þeir sendu meðal annars skilaboð skömmu eftir morðin þar sem þeir lýstu þeim.
„Drápum þrjá, bróðir, við náðum fram hefndum,“ skrifaði einn þeirra meðal annars.
Mennirnir skutu þrjá menn við bíl í Kalundborg. Tveir þeirra létust en einn lifði af. Allir voru þeir skotnir í bringu og höfuð. Hinir látnu voru úr glæpagenginu Sydkystgruppen en morðingjarnir úr Loyal To Familia. Þessi tvö glæpagengi áttu í átökum á þessum tíma.
