Enska knattspyrnufélagið Tottenham Hotspur fékk í dag 150 milljónir punda til umráða frá ENIC, stærstu hluthöfum félagsins eftir að liðið tryggði sér sæti í Meistaradeild Evrópu á næstu leiktíð á lokadegi ensku úrvalsdeildarinnar um síðustu helgi.
Í tilkynningu á heimasíðu félagsins segir að féð verði notað í að fjárfesta í klúbbnum innan sem utan vallar.
ENIC tók við stjórnvölunum hjá félaginu árið 2001 og síðan þá hefur Tottenham sex sinnum tryggt sér sæti í Meistaradeild Evrópu og byggt nýjan heimavöll og æfingarsvæði.
Liðið hefur hins vegar aðeins unnið einn bikar á síðustu 20 árum en það var deildarbikarinn árið 2008 og hefur stjórn félagsins verið mikið gagnrýnd af stuðningsmönnum Spurs fyrir að fjárfesta ekki nógu mikið í leikmannahóp liðsins.
Ljóst er að Antonio Conte ætlar sér stóra hluti með Tottenham á næstu leiktíð og aukið féð þvi kærkomin leið fyrir Ítalann að setja saman nýtt og öflugt lið.
Club announcement – Tottenham Hotspur Limited agrees a £150m capital increase.
— Tottenham Hotspur (@SpursOfficial) May 24, 2022
