Skandinavíska flugfélagið SAS birti  í morgun rekstraruppgjör fyrsta ársfjórðungs rekstrarársins en hann er frá nóvember 2021 til janúar 2022. Samkvæmt uppgjörinu nam tap af rekstri félagsins 1,7 milljörðum danskra króna en það svarar til rúmlega 32 milljarða íslenskra króna.

Í tengslum við birtingu uppgjörsins skýrði félagið frá því að fram undan sé niðurskurður á kostnaði og er ætlunin að skera niður um 5,2 milljarða danskra króna, það svarar til um 100 milljarða íslenskra króna, á ári.

Þessum sparnaði á að ná með því að breyta flugflotanum, flugleiðum og þeim vörum og þjónustu sem farþegum er boðið upp á.