Í IKEA gistu sex viðskiptavinir og um 20 starfsmenn í versluninni í nótt. Starfsfólkið gerði eins gott úr þessu og hægt var og eyddi fólkið kvöldinu saman í mötuneyti starfsfólksins og horfði á sjónvarpið og naut veitinga. Meðal annars var boðið upp á kökur, kaffi og gosdrykki og bjór.
Síðan var búið um næturgestina í sýningarsal verslunarinnar en nóg er af rúmum þar. Talsmaður IKEA tók sérstaklega fram við danska fjölmiðla að skipt verði á rúmunum nú í morgunsárið áður en verslunin verður opnuð.
Á flugvellinum voru 300 manns strandaglópar í nótt. Þar var teppum dreift og fólk varð að sætta sig við að komast ekki á brott. Ekki var boðið upp á jafn góða gistiaðstöðu og hjá IKEA en reynt var að gera það besta úr ástandinu.