Sex leikjum lauk nýlega í enska deildabikarnum. Um var að ræða 32-liða úrslit keppninnar.
Man Utd 0-1 West Ham
West Ham gerði sér lítið fyrir og vann Manchester United á Old Trafford.
Eina mark leiksins skoraði Manuel Lanzini á 9. mínútu.
Arsenal 3-0 Wimbledon
Arsenal vann þægilegan sigur á Wimbledon. Leikið var á Emirates-leikvanginum.
Alexandre Lacazette kom heimamönnum yfir með marki úr vítaspyrnu á 11. mínútu.
Næsta mark lét bíða eftir sér allt þar til á 77. mínútu. Þá tvöfaldaði Emile Smit-Rowe forystu Arsenal. Eddie Nketiah innsiglaði svo 3-0 sigur stuttu síðar.
Millwall 0-2 Leicester
Jón Daði Böðvarsson sat allan tímann á varamannabekk Millwall í 0-2 tapi gegn Leicester á heimavelli.
Ademola Lookman skoraði fyrra mark Leicester á 50. mínútu. Kelechi Iheanacho gerði það síðara undir lok leiks.
Brighton 2-0 Swansea
Brighton vann 2-0 sigur á heimavelli gegn Swansea.
Aaron Connolly skoraði bæði mörk liðsins í fyrri hálfleik.
Chelsea 1-1 Aston Villa (4-3 eftir vítaspyrnukeppni)
Chelsea sló Aston Villa úr leik í viðureign sem fór alla leið í vítaspyrnukeppni.
Timo Werner kom Chelsea yfir á 54. mínútu. Cameron Archer jafnaði fyrir Villa tíu mínútum síðar.
Jafnt var eftir venjulegan leiktíma. Farið var beint í vítaspyrnukeppni.
Þar skoruðu Romelu Lukaku, Mason Mount, Ross Barkley og Reece James allir fyrir Chelsea. Á sama tíma klikkuðu Marvelous Nakamba og Ashley Young á sínum spyrnum fyrir Villa. Chelsea fer því áfram.
Wolves 2-2 Tottenham (2-3 eftir vítaspyrnukeppni)
Leikur Wolves og Tottenham fór sömuleiðis í vítaspyrnukeppni.
Tanguy Ndombele kom gestunum í Spurs yfir á 14. mínútu. Harry Kane tvöfaldaði forystuna á 23. mínútu.
Leander Dendoncker minnkaði muninn fyrir Wolves fyrir leikhlé. Á 58. mínútu jafnaði Daniel Podence svo leikinn. Lokatölur 2-2 og því farið beint í vítaspyrnukeppni.
Þar skoruðu Harry Kane, Sergio Reguilon og Bryan Gil allir fyrir Tottenham. Ruben Neves, Leander Dendoncker og Conor Coady klikkuðu allir fyrir Wolves. Tottenham fer því áfram.
Dregið verður í 16-liða úrslit síðar í kvöld.
