Þau leigðu sumarhúsið í gegnum leigumiðlunina Novasol og greiddu sem nemur um 250.000 íslenskum krónum fyrir vikuleigu og voru lokaþrif innifalin í leigunni.
„Þetta var stórt og flott sumarhús með útibaði. Það leit rosalega vel út á myndunum. Nýtt og fínt sumarhús. Allt virtist í lagi,“ sagði hún.
En þegar fjölskyldan kom á staðinn var sjóninn ekki eins fögur og á myndunum á heimasíðu Novasol.
„Það voru notaðar nærbuxur, sígarettustubbar, snúss og notaðir smokkar í hornunum. Þetta var ótrúleg,“ sagði Handeland.
Marielyst er svæði sem ungmenni sækja mikið til að skemmta sér.
Daginn áður en fjölskyldan tók við sumarhúsinu spiluðu England og Ítalía til úrslita á EM í knattspyrnu. Hvort fótboltapartý hafi verið í húsinu um kvöldið er ekki vitað en ljóst er að mikið hafði gengið á í húsinu og á einni dýnunni var blóðblettur. „Það hefur verið villt partý og hér missti einhver meydóminn,“ sagði Handeland.
Litla hjálp var að fá hjá Novasol þegar hún hringdi í fyrirtækið. Starfsmaður kom á vettvang og fjarlægði smokka og blóðugu dýnuna en þrif voru ekki í boði fyrr en næsta dag. Þetta endaði með að Handeland þreif húsið sjálf en það var þriggja tíma vinna. Enginn kom til að þrífa daginn eftir og hún heyrði ekkert frá Novasol.
Að fríinu loknu ræddi hún við Novasol sem bauð fjölskyldunni 10% afslátt af leigunni sem sárabætur.
