„Í þessum sal hef ég áður kynnt óhefðbundnar aðgerðir í stjórnmálum,“ sagði Sigmundur Davíð Gunnlaugsson, formaður Miðflokksins, áður en hann kynnti „tíu ný réttindi fyrir íslensku þjóðina“, sem eru ný kosningaloforð flokksins. Óhætt er að taka fram að loforðin eru ansi stórtæk.

Fyrsta loforðið var betri ríkisrekstur fyrir alla. En þar sagði hann að ef ríkissjóður yrði rekinn með afgangi myndu allir fullorðnir íslenskir ríkisborgarar fá helming afgangsins endurgreiddan til jafns. Svo færi hinn helmingurinn í endurgreiðslu skulda ríkissjóðs, eða í varasjóð.

Einnig vill Sigmundur veita öllum íslenskum ríkisborgurum heilbrigðisskimun fyrir hinum ýmsu heilsukvillum. Hann sagði að það myndi bjarga mörgum mannslífum, þar sem að margir sjúkdómar yrðu uppgötvast áður en það yrði of seint

Sigmundur vill veita öllum Íslendingum tækifæri til að eignast húsnæði. Hann vill að ríkið veiti mótframlög sem myndu verða til þess að allir gætu eignast húsnæði. Auk þess vill hann deila þriðjungi hlutafjár Íslandsbanka til ríkisborgara, en hægt væri að selja þann hlut eftir lok árs 2023.

Síðasta loforðið varðaði tjáningarfrelsi, en Sigmundur segist ætla að innleiða lög sem verja tjáningarfrelsi, en hann virðist vera á þeirri skoðun að tjáningarfrelsi sé ekki tryggt nægilega vel hér á landi.