Það er skortur á bóluefnum í landinu og einnig er mjög erfitt að koma þeim til íbúa í afskekktum héruðum landsins en það er aðeins minna en Vestur-Evrópa. Vaxandi reiði er meðal landsmanna í garð ríkra landa fyrir að aðstoða ekki fátæk ríki við að verða sér úti um bóluefni. The Guardian skýrir frá þessu.
Farsóttafræðingar segja að í umræðunni hafi gleymst að horfa til þess hversu margir landsmenn eru fullir efasemda um bóluefnin og að það eitt og sér geti sett landið aftur á „byrjunarreit“ og grafið undan baráttu heimsbyggðarinnar við faraldurinn.
Pascal Lutumba, prófessor við smitsjúkdómadeild Kinshasa háskóla, segir að ef fólk í Lýðstjórnarlýðveldinu verði ekki bólusett sé hugsanlegt að suðurafríska afbrigði kórónuveirunnar hitti Deltaafbrigðið þar í landi og úr því verði stökkbreytt afbrigði sem verði ónæmt fyrir sumum bóluefnum. „Ef Kongóafbrigði myndi berast til lands eins og Bretlands, þar sem búið er að bólusetja marga, gæti það sett landið aftur á byrjunarreit. Það þyrfti að bólusetja alla upp á nýtt með nýju bóluefni,“ sagði hann.
Könnun sem Afríkusambandið gerði sýndi að 38% íbúa í Lýðstjórnarlýðveldinu vilja ekki láta bólusetja sig og er það hæsta hlutfallið í Afríku. Í Eþíópíu eru það aðeins 4% sem ekki vilja láta bólusetja sig. Rannsókn sem var birt í Vaccines í febrúar sýndi að 70% heilbrigðisstarfsfólks í Lýðstjórnarlýðveldinu ætlar ekki að láta bólusetja sig.
