Thomas Partey, leikmaður Arsenal meiddist í æfingaleik gegn Chelsea í dag. Miðjumaðurinn knái meiddist á ökkla eftir samstuð við Ruben Loftus-Cheek. Arsenal hefja næsta tímabil eftir 12 daga gegn nýliðum Brentford þann 13. ágúst næstkomandi. Ólíklegt þykir að Partey komi við sögu í leiknum.
Mikel Arteta, þjálfari Arsenal viðurkenndi eftir leikinn að þetta liti ekki vel út. „Ég var að ræða við lækninn. Hann fer í skimun á morgun. Þetta lítur ekki vel út í augnablikinu af því að hann var í miklum sársauka og gat ekki haldið leik áfram,“ sagði Arteta.