Sigmundur Davíð Gunnlaugsson, formaður Miðflokksins, lagði fram í dag fyrirspurn til forsætisráðuneytisins þar sem hann vildi vita hversu mörg kyn það væru til. 

Hvers vegna Sigmundur vill vita það kemur ekki fram en það er vinsælt að deila um hvort til séu fleiri en tvö kyn. Á vef Þjóðskrár er hægt að vera skráður sem karl, kona eða kynsegin/annað.

Þetta er 26. fyrirspurnin sem hann leggur fram á þessu þingári en 16 af þessum 26 voru lagðar fram í dag. Aðrar fyrirspurnir hans fjalla meðal annars um græna skatta og endurbyggingu á Seyðisfirði.

Þá lagði hann einnig fram fyrirspurn til Svandísar Svavarsdóttur heilbrigðisráðherra þar sem hann vill vita hvernig neysluskammtur fíkniefna sé skilgreindur að hennar mati.