Sala Borussia Dortmund á Jadon Sancho fer ekki vel í Haaland fjölskylduna ef marka má Twitter færslu frá Alf-Inge Haaland.
Hans-Joachim Watzke stjórnarformaður Borussia Dortmund hefur staðfest sölu félagsins á Jadon Sancho til Manchester United. Félögin náðu saman um kaupverð í gær.
Enski kantmaðurinn hefur verið á óskalista United í rúmt ár en United borgar 73 milljónir punda fyrir Sancho. Dortmund heimtaði 108 milljónir punda fyrir Sancho fyrir ári síðan, en United vildi ekki borga slíka upphæð.
Sancho er 21 árs gamall enskur kantmaður en hann hefur mátt þola bekkjarsetu í öllum leikjum Englands hingað til á Evrópumótinu.
„Helvítis, en gangi þér allt í haginn. Þín verður saknað,“ skrifar Alf-Inge Haaland á Twitter við frétt þar sem kaup United voru staðfest.
Sonur hans, Erling Haaland hefur verið hjá Dortmund í eitt og hálft ár en hann hefur áhuga á að fara í sumar en Dortmund neitar að selja hann fyrr en á næsta ári.
Fuck. 🐝 But all the best @Sanchooo10 You will be missed.
— Alfie Haaland (@alfiehaaland) June 30, 2021
